بحرین ءِ ولی ءِ زمانگ سلمان بن حمد عیسیٰ الخلیفہ ءَ ایئرپورٹ ءَ مزن وزیر ءَ را بروپہ ھیر کت
منامہ۔ 16 دسمبر (اے پی پی) مزن وزیر عمران خان بحرین ءِ یک روچی سرکاری تر ءُُ تاب ءِ سرجم کنگ ءَ پد منامہ ءَ چہ روادگ بوت۔ بحرین ءِ ولی ءِ زمانگ سلمان بن حمد عیسیٰ الخلیفہ ءَ ائیر پورٹ ءِ سر ءَ مزن وزیر ءَ را برو پہ ھیر کت۔ بحرین ءِ شاہ حمد بن عیسیٰ بن سلمان آل خلیفہ ءَ مزن وزیر ءَ را بحرین ءِ تر ءُُ تاب کنگ ءُُ بحرین ءِ راجی روچ ءِ درگت ءَ برجم داشتگیں مراگش ءَ ھاسیں مہمان ءِ بستار ءَ بھر زوری کنگ ءَ ات۔ ایشی ءَ چہ پیسر مزن وزیر عمران خان بحرین ءِ اولی سرکاری تر ءُُ تاب ءِ ھاترا منامہ ءَ سر بوت گڈا ولی زمانگ سلمان بن حمد بن عیسیٰ الخلیفہ ءَ آئی ءَ را وش اتک کت۔ اے موہ ءِ سر ءَ بحرین ءِ شاہ حمد بن عیسیٰ الخلیفہ ءَ یک مراگشے ءَ مزن وزیر عمران خان ءَ را بحرین ءِ ٹوھیں سول ایوارڈ داد کت۔ مزن وزیر ءَ بحرین ءِ راجی روچ ءِ درگت ءَ ھاسیں مہمان ءِ بستار ءَ شریک ات۔ ایشی ءَ ابید مزن وزیر عمران خان ءُُ بحرین ءِ ولی ءِ زمانگ سلمان بن حمد بن عیسیٰ الخلیفہ ءِ نیام ءَ الغدیبیہ پیلس ءَ گند ءُُ نند بوت۔ گند ءُُ نند ءَ پاکستان ءُُ بحرین ءِ نیام ءَ دو نیگمی کار ءُُ دمگی جاور ھال آنی سر ءَ ھیال ریچی کنگ بوت۔ ایشی ءَ چہ پیسر مزن وزیر ءَ را گارڈآف آنر پیش کنگ بوت۔
