راولپنڈی۔ 16 دسمبر (اے پی پی) آرمی پبلک سکول اینڈ کالج ءِ شہید ءُُ غازی آناں توسیپ ءُُ سلام پیش کنگ ءِ واستہ ورسک روڈ پشاور ءَ مراگش ءِ برجم دارگ بوت۔ پاک اُرد ءِ شوبگ (آئی ایس پی آر) ءِ رد ءَ مراگش ءِ بنگیج ءَ شہید آنی واستہ ھاسیں دعا کنگ بوت، راجی سوت ءَ چہ پد پاک اُرد ءِ ورنا آں گارڈ آف آنر پیش کت۔ کورکمانڈر پشاور لیفٹیننٹ جنرل نعمان محمود ءَ نمیرانیں شہید آنی سر ءَ پُل آنی چادر پر دات ءُُ شہید آنی واستہ پاتیہ وانی کت۔ اے پی ایس سکول پشاور ءَ قرآن وانی ھم کنائینگ بوت ایشی ءِ تہ ءَ شہید آنی ھاندان، سکول ءِ زھگ ءُُ ادارگ ءِ مزدگر آنی مزنیں کساس ءَ بھر زوری کت۔ کورکمانڈر پشاور لیفٹیننٹ جنرل نعمان محمود ءَ شہید بوتگیں ھاندان ءَ گوں گند ءُُ نند ھم کت۔
