مزن وزیر عمران خان بحرین ءِ اولی سرکاری تر ءُُ تاب ءِ ھاترا منام ءَ پج اتگ، ولی زمانگ سلمان بن حمد بن عیسی الحلیفہ ءَ مزن وزیر ءَ را وش اتک کت
منامہ۔ 16 دسمبر (اے پی پی) مزن وزیر عمران خان بحرین ءِ اولی سرکاری تر ءُُ تاب ءِ ھاترا منامہ ءَ پج ات۔ بحرین ءِ ولی زمانگ سلمان بن حمد بن عیسی الخلیفہ ءَ مزن وزیر ءَ را وش اتک کت۔ بحرین ءِ شاہ حمد بن عیسی بن سلمان آل خلیفہ ءَ مزن وزیر ءَ را بحرین ءِ تر ءُُ تاب کنگ ءُُ بحرین ءِ راجی روچ ءِ درگت ءَ برجم داشتگیں مراگش ءَ ھاسیں مہمان ءِ بستار ءَ شرکت کنگ ءِ دعوت داتگ بوتگ۔ اے موہ ءَ سر ءَ یک مزن تکی ڈل ءِ مزن وزیر ءِ ھمبراھ انت ایشی ءِ تہ ءَ کابینہ ءِ باسک آں ابید ایندگر ٹوھیں کارندہ ھوار اتنت۔ تر ءُُ تاب ءِ ساھت ءَ مزن وزیر ءَ را بحرین ءِ ٹوھ تریں سول داد ھم دیگ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءِ اگست 2018ءَ مزن وزیر ءِ سوگند چست کنگ ءَ پد ایش آئی ءِ اولی تر ءُُ تاب انت، تر ءُُ تاب ءِ ساھت ءَ شرپ مندیں حمد بن عیسی آل خلیفہ ءَ گوں دیم پہ دیمی گند ءُُ نند بیت انت وھدیکہ ولی زمانگ سلمان بن حمد آل خلیفہ ءِ گوما ڈلی تک ءَ ھم گپ ءُُ تران بیت۔ سول ءُُ تران ءَ دوئیں ملک آنی نیام ءَ دو نیمگی یکوئی ءِ توامیں تک آں ابید میاں اوستمانی ءُُ دمگی کار اآنی سر ءَ گپ ءُُ تران کنگ بوت۔ مزن وزیر ءِ تر ءُُ تاب ءِ موہ ءَ آئی ءَ را بحرین ءِ ٹوھ تریں سول داد ھم دیگ بوت۔ پاکستان ءُُ بحریں ءِ نیام ءَ یکیں نیک راھ ءِ منگ، دود ءُُ ربیدگ، وت مہ وتی دوستی یکیم ءُُ یکوئی جوان انت۔ دوئیں ملک آنی نیمگ ءَ سیاست، تجارت، کاروبار، دیمپان، السی رابطہ ءَ ھوار جتا جتائیں شوبگ آنی تہ ءَ دو نیمگی دراج بُریں یکوئی برجا انت۔ اے تر ءُُ تاب اے رد ءَ ھم ھاسیں ارزشت ءِ دار ایت کہ ایشی یے وسیلگ ءَ دوئیں ملک آنی نیام ءَ پراھ ءُُ شاھیگانیں یکوئی ءَ را گیش نزیک آرگ ءُُ کمک آناں ترند کنگ ءَ دیمروئی رسیت۔
