اسلام آباد۔ 16 دسمبر (اے پی پی) وزیر مملکت برائے سیفران ءُُ منشیات ءِ گر ءُُ دار کنوک، شہر یار خان آفریدی ءَ گوشت کہ پاکستان دگنیا ءِ ایوکیں ملک انت کہ آ چیل سالاں چہ اوگان لڈ ءُُ بار کنوک آنی میزبانی ءَ کنگ ءَ انت، روبرکتی ملک آنی لڈ ءُُ بار کنوکیں مردم یک لانچے یے روگ ءُُ آیگ ءِ سبب ءَ حکومت مٹ بوھگ ءَ انت وھدیکہ مزن وزیر ھمے بنیات ءِ سر ءَ گچین بوھگ ءَ انت تا نکہ آ لڈ ءُُ بار کنوک آنی ھلاپ ءَ ترندیں گامگیج بکن انت، گلوبل ریفیوجیز فورم ءِ چیر دستی ءَ انتظامی دو روچی میاں اوستمانی کانفرنس (مرچی) سئے شمبے ءَ جنیوا ءَ بندات بیت، پاکستان گلوبل ریفیوجیز فورم ءَ یک بنیاتی میزبانے ءِ بستار ءَ بھر زوری کنگ ءَ انت۔ سئے شمبے ءَ وزیر ءِ مملکت شہر یار آفریدی ءَ جنیوا ءَ چہ ”اے پی پی“ ءَ گوں تران کنان ءَ گ وشت کہ گلوبل ریفیوجیز فورم ءِ بندوبست کتگیں دو روچی میاں اوستمانی کانفرنس (مرچی) سئے شمبے ءَ جنیوا ءَ بندات کنگ بوھگ ءَ انت، اقوام متحدہ ءُُ ایشی ءِ جھلی ادارگ پاکستانی الس ءُُ حکومت ءِ مہاجرین آناں پناہ دیوک آنی ھوالگ ءَ دل پچی ءَ را تسلیم کنگ ءَ انت، گلوبل ریفیوجیز فورم ءِ بندات پاکستان ءِ اے رنگیں دل پھکیں پالیشی آناں منگ انت۔ وزیر ءِ مملکت ءَ گوشت کہ گلوبل ریفیوجیز فورم ءَ پاکستان یک بنیاتی میزبان ءِ بستار ءَ بھر زوری کنگ ءَ انت وھدیکہ ایشی ءِ گوما ترکی، کوسٹا ریکا، ایتھوپیا ءُُ جرمنی ھم شریک میزبان ءِ فرض آں پیلو کنگ ءَ انت۔ آئی ءَ گوشت کہ فورم ءِ مول ءُُ مراد لڈ ءُُ بار کنوک ءُُ آوانی جیڈھ آنی ھوالگ ءَ میاں اوستمانی رابطہ آناں گیش ساپ کنگ ءُُ بیم ناکیں جاور آناں ھلاس کنگ انت۔ وزیر ءِ مملکت ءَ کانفرنس ءَ بھر زوری کنوکیں پنچ ملک آنی سروک ءَ ھوار ترکی ءِ صدر رجب طیب اردوان، جرمنی ءِ چانسلر انجیلا مرکل ءُُ ایتھوپیا ءُُ کوسٹاریکا ءِ مملکت آنی سروک آناں جنیوا ءَ وش اتک کناں۔
