وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ
اسلام آباد۔ 16دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ شاہ حمد بن عیسی بن سلمان آل خلیفہ نا سلہ غا وزیراعظم عمران خان نا دورہ بحرین ہڑتوم آ ملک آتا نیام اٹ ہڑتوم آ کنڈآتا تعلقداری نا پوسکن آ دورانا بناءِ، وزیراعظم عمران خان نا بحرین نا قومی دے انا وخت آ گیسٹ آف آنر نا وڑاٹ بشخ ہلنگ و بڑزکو انگا سول ایوارڈ آتا اعزاز تننگ و ڈیہہ ٹی پاکستان نا ودوک آ شرفمندی و دروشم نا سوب ءِ۔ دوشنبے نادے آ تینا ٹویٹ اٹی ڈاکٹر فردوس عاشق اعوان پارے کہ دا دورہ ہڑتوم آ ملک آتا نیام اٹ کثیر الجہتی تعلقداری تا سوگوی و تین پہ تینی کمکاری ءِ مون آ دننگ نا پوسکن ءُ کسر ملک، بحرین تون اسیجا دودوربیدہ، مذہب و تین پہ تینی پت آرشتہ جوڑ ءِ، ہڑتوم آ ملک آک الس نا تین پہ تینی فائدہ غاتے ٹی اسیع البنیاد و تعلقداری تے پین سوگو کننگ کن پرعزم ءُ۔ اوپارے کہ بحرین اٹی رہینگوک اسہ لکھ آن زیات پاکستانی بحرین نا اقتصادی شونداری ٹی تینا پبی کڑد ءِ ادا کننگ ءُ۔ وزیراعظم نا دورہ ہڑتوم آ ملک آتا نیام اٹ واپار و زرکاری ءِ مون آ دننگ اٹ ودکی نا سوب مریک۔
