وزیراعظم نا خصوصی کمکار جان جوڑی ڈاکٹر ظفر مرزا نا بیان

مچ آ ملک اٹی انسداد پولیو نا مہم دوشنبے آن بناکرینے، پولیو مہم اٹی 2لکھ 65 ہزار ہیلتھ ورکرز بشخ ہلنگ ءُ، مہم اٹی پنچ سال آن کم وئی نا کم و ود 4 کروڑ چناتے پولیو نا پڑی کنفنگک
اسلام آباد۔ 16 دسمبر (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ مچ آ ملک اٹی انسداد پولیو نا مہم دوشنبے نادے آ بناکرینے، پولیو مہم اٹی 2لکھ 65ہزار ہیلتھ ورکرز بشخ ہلنگ ءُ، مہم اٹی پنچ سال آن کم وئی نا کم و ود 4کروڑ چناتے پولیو نا پڑی کنفنگک۔ دوشنبے نادے آ تینا اسہ بیان اسے ٹی اوپارے کہ مچ آ ملک اٹی انسداد پولیو مہم 16 دسمبر آن بناکرینے۔ قومی انسداد پولیو نا سرسہبی کن اسہ جامع و سوگو ءُ پالیسی اس جوڑ کننگانے۔ اوپارے کہ قومی اسمبلی نا باسک و یونین کونسل نا باسک آک ہم مہم اٹی پبی ساتھ تننگ ءُ۔ پولیو مہم اٹی 2لکھ 65ہزار ہیلتھ ورکرز بشخ ہلنگ ءُ۔ ڈاکٹر ظفر مرزا پارے کہ حکومت پولیو نا چٹفنگ کن پرعزم و جنگی بنداو تیا گام گیج کننگ ءِ۔ اوپارے کہ پنچ سال آن کم وئی نا کم و ود 4کروڑ چناتے پولیو نا پڑی کنفنگک۔ اوپارے کہ لمہ و باوہ تینا چناتے آخبتی معذوری آن بچفنگ کن پولیو نا اِراپڑی ضرور کنفر۔ پولیو ٹیم تا سیکورٹی کن ہروڑنا گام گیج کننگانے۔