حکومت زالبولءَ را وت واک جوڈ کنگءِ ھاترا گامءَ چست کنگ انت،ڈاکٹر ثانیہ نشتر

اسلام آباد۔ 15 دسمبر (اے پی پی)مزن وزیر ءِ ھاسیں کمکار برائے چاگردی رکھگءُُ غریبی ءِ ھلاسی ڈاکٹر ثانیہ نشتر ءَ گوشت کہ زالبولاں را وت واک جوڈ کنگ ءِ ھاترا گاماں چست کنگ انت پرچا کہ اے چاگرد معیشت ءُُ ملک ءِ گہتریں مفاد ءِ تہ انت،بیئپارزالبول ملکی معیشت ءِ تہ باز ھاسیں کرد ادا کنگ انت۔اے گپ آہاں اسلام آباد وومن چیمبر ءِ چیردستی پاک چائینہ فرینڈشپ سینٹر ءِ تہ دو روچیں نماش ءِ دومی بھر ءِ بنداتی ءِ پدا گپ ءُُ تران کنان ءَ کتگ ات۔آہاں گوشت کہ آں بیئپاری زالبولانی جیڈھ ءَ چہ سرپد انت تنکہ آہانی راہ ءِ تہ مان اڑانڈ دور دیگ بنت۔مزن وزیر ءِ ھاسیں کمکار ڈاکٹر ثانیہ نشتر ءَ گوشت کہ حکومت زالبول ءَ را راجی دھارہ ءِ تہ آرگ ءِ ھاترا گاماں چست کنگ انت۔آہاں گوشت کہ زالبولانی دیمروئی ءُُ صنفی بروبری ءِ ھاترا گام گیچ کنگ انت۔حکومت ءِ کرءَ لہتیں ماڑی حالی انت ءُُ آں کوشست کن انت کہ ایشی ءَ چہ لہتیں جاھ وویمن چیمبر ءَ را دیگ بیت تنکہ آں گہترءِ وڈ ءَ زالبول ءَ آنی بود ءَ را گیش کنگ ءُُ آہاں را وت واک جوڈ کنگ ءِ کار ءَ کت کن انت۔اے موہ ءَ آئی ءَ لہتیں سٹالانی تروتاب ھم کتگ وھدیکہ وویمن چیمبر ءِ بانی ثمینہ فاضل ءُُ صدر فریدہ راشد ءَ آہاں را نماش ءِ باروا سرپدی داتگءُُ وتی جیڈھءَ چہ سرپد کتگ۔