لاہور۔15 دسمبر(اے پی پی)وزیراعلیٰ پنجاب سردار عثمان بزدار ءِ گوما وزیراعلیٰ آفس ءِ تہ پاکستان تحریک انصاف ءِ چیف آرگنائزر سیف اللہ نیازیءِ سروکی ءَ پنجاب ءِ سئیں ریجن ءِ صدور ءُُ جنرل سیکرٹریز ءَ گند ءُُ نند کتگ،ایشی ءِ تہ پارٹی ءِ معاملہ ءُُ کوارڈینیشن ءَ را گیش گہتر کنگ ءِ ھوالہ ھیال ریچی کنگ بوتگ‘گند ءُُ نند ءِ تہ گورننس ءَ را گہتر کنگ ءِ ھاترا وت مہ وتی شؤرءُُ صلاح ءِ سلسلہ ءََ را دائمی بنیاتانی سرا برجاہ دارگ یءِ سرا تپاک کنگ بوتگ‘وزیراعلیٰ عثمان بزدار ءَ اے موہ ءِ سرا گوشت کہ جہد کار تحریک انصاف ءِ قابل قدر مڈی انت ءُُ آہانی بودءَ چہ نپ چست کنگ بیت،سر وزیر ءَ گوشت کہ زوت ضلعہانی تروتاب کنان،تحریک انصاف ءِ اگدھداراں گوں اودا گند ءُُ نند کناں،مہلوک ءِ جیڈھ ءُُ جنجال ءَ را گیشینگ ءِ ھاترا شؤرءُُ صلہ براہ داراں۔پارٹی اگداھدارانی تجاویز ءَ را ارزشت دیگ بہ بیت۔عثمان بزدارءَ گوشت کہ سر وزیر آفس ءِ تاک شمے ھاترا پچ انت ءُُ صوبہ ءِ مہلوک ءِ ہزمت ءِ سفر ءِ تہ شانہ بشانہ جزگ بہ بیت۔کوآرڈینیشن ءَ را گہتر کنگ ءِ ھاترا فوکل پرسن ایر کنگ بیت،منی ہچ ایجنڈہ ءِ نیست انت،ایوکا مہلوک ءِ ہزمت ءِ ھاترا اتکگ اوں،پنجاب ءِ تہ ہر کار میرٹ ءِ سرا بیت۔آوکیں سال ءِ اولی بھر ءِ تہ بلدیاتی گچینکاری کنائینگ لوٹگ اوں،ایشی ءِ ھاترا ترندی ءَ گوں گامگیج زورگ بوھگا انت۔وزیراعلیٰ ءَ گوں گند ءُُ نند کنوکانی تہ تحریک انصاف ءِ مرکزی سینئرنائب صدر ارشد داد،مرکزی نائب صدر عمرسرفراز چیمہ،مرکزی ڈپٹی سیکرٹری جنرل عمر مئیر،مرکزی چوائنٹ سیکرٹری مصدق گھمن،سیکرٹری گڈ گورننس پنجاب اعجاز منہاس،صدر سنٹرل پنجاب اعجاز چودھری، صدرشمالی پنجاب صداقت عباسی، صدرجنوبی پنجاب نور بھابھہ،جنرل سیکرٹری سنٹرل پنجاب علی امتیازوڑائچ، جنرل سیکرٹری شمالی پنجاب ڈاکٹر حسن مسعود اور جنرل سیکرٹری جنوبی پنجاب علی رضا دریشک ھوار ات‘چیف وہیبءُُ باسک پنجاب اسمبلی سید عباس علی شاہ ھم اے موہ ءَ ساڑی ات۔
