اسلام آباد۔ 14 دسمبر (اے پی پی) محکمہ موسمیات ءِ گوشگ ءِ ردا آوکیں 24کلاکانی تہ شمالی پنجاب،برزی خیبرپختونخوا،اسلام آباد،گلگت بلتستان ءُُ کشمیر ءِ ضلعہاں لہتیں جاھاں گرند ءُُ گروک ءَ گوں ھور ءُُ کوھانی سرا برپ گواری وھدیکہ پنجاب ءُُ برزی سندھ ءِ لہتیں میدانی جاھاں سہب ءِ ساعت ءَ سکیں سموگ ءِ گمان انت بلے ملک ءِ دگہ دمگاں موسم سارت ءُُ ھشک بہ بیت۔ رپورٹ ءِ ردا (مروچی) یک شمبے ءَ ملک ءِ گیشترءِ دمگاں موسم سارت ءُُ ھشک وھدیکہ برزی دمگاں سکیں سارتی بہ بیت بلے مالاکنڈ ڈویژن ءُُ گلگت بلتستان ءِ لہتیں ضلعہاں ھورشنزگ ءُُ کوھانی سرا برپ گواری ءِ گمان انت۔گوستگیں 24کلاکانی تہ کشمیر ءِ ضلعہاں جاھے جاھے وھدیکہ راولپنڈی، جہلم، گجرات، لاہور، نارووال، فیصل آباد، سیالکوٹ، سوات، بونیر، ہزارہ، زیارت ءُُ گلگت بلتستان ءِ ضلعہاں لہتیں دمگاں گرند ءُُ گروک ءَ گوں ھور بوتگ ءُُ اے درگت ءَ مالام جبہ، مری، اسکردوءُُ بگروٹ ءِ تہ برپ گواری ھم بوتگ۔ محکمہ موسمیات ءِ گوشگ ءِ رداگوستگیں 24کلاکانی ساعت ءَ مظفرآباد ءِ تہ 24 ملی میٹر، کوٹلی 13، راولاکوٹ 17، گڑھی دوپٹہ 6، مالام جبہ 13، بالاکوٹ 7، کاکول، پٹن، پاراچنار، بشام 2، بونیر ایک، منگلا 11، مری 10، اسلام آباد 8، راولپنڈی 2، سیالکوٹ 5، جہلم 3، نارووال 2، گجرات ایک، استور، اسکردو 3، بگروٹ ایک ءُُ زیارت ءِ تہ 2 ملی میٹر ھور ریکارڈ کنگ بوتگ۔
