اسلام آباد۔14 دسمبر(اے پی پی) مزن وزیر ءِ ھاسیں کمکار برائے ھالرسانی ڈاکٹر فردوس عاشق اعوان ءَ گوشت کہ مولانا فضل الرحمان ءُُ ایشی ءِ کارندہانی سیاست ءَ را مہلوک ءَ رد کتگ،ہماہاں را مہلوک ءَ رد کتگ نون ہما مردم گچین ءِ حکومت ءَ را ھلاس کنگ ءِ پندل ءَ جوڈ کنگ انت،نوں لٹ ءُُ کٹ کنوکیں تبلیغی ٹولہ ءِ کرپشن ءِ ھساب ءِ وھد سر بوتگ، مسیحا ءِ بھیس بدل کنوکیں جعلی دروشم مہلوک ءِ دیما بے نقاب بوھگ انت، معاشی اعشاریہ ءِ تہ شریں بدلی آھگ انت ایشانی مالیاتی ادارگ ھم پدر کنگ ات،حکومت مزن وزیر عمران خان ءِ سروکی ءِ تہ مہلوک ءَ را ریلیف دیگ ءِ ھاترا کوشاں انت، سانحہ لاہور ءِ تہ بیران بیوکیں کہول ءَ را 10.10لکھ کلدار ادا کنگ بوتگ ات وھدیکہ ڈاکٹرز، پیرا میڈیکس ءُُ پی آئی سی ءِ تہ اوشتاتگیں مہلوک ءِ گاڈیانی ءُُ مہلوک ءِ دگہ چیزاں را تاوان دیوکانی ازالہ کنگ ءِ ھاترا کچ ءُُ کساس جنئگ بوھگ انت۔گاڈیانی وھنداں را تاوان ءِ ھاترا 75ہزار ءَ چہ بگر یک ءُُ نیم لکھ کلدار ادا کنگ بنت۔ دل ءِ نادراہی ءِ ہسپتال ءِ ایمرجنسی ءَ را 24کلاکانی گونڈو ءِ وھد ءِ تہ ایکٹو کنگ بوتگ۔ھپتگ ءَ ادا سیالکوٹ ءِ تہ میڈیا ءَ گوں گپ ءُُ تران کنگ ات۔
