اسلام آباد۔14دسمبر (اے پی پی)اقوام متحدہ ءِ ویانا کارگس ءِ تہ پاکستان ءِ دائمی مندوب سفیر منصورعلی خان ءَ را اقوام متحدہ ءِ کمیشن برائے نارکوٹکس ڈرگس ءِ سال 2020ءِ تہ برجم بیوکیں 63می دیوان ءِ ھاترا سروک گچین کنگ بوتگ۔دری کارگس ءِ ربالکار ءِ نیمگا چہ ھپتگ ءَ جاڑی جارانک ءِ ردا پاکستان ءِ منتفقہ گچینی پاکستان ءِ راھشون ءِ تہ میاں اوستمانی براھندگی ءِ نیمگا چہ اعتماد ءِ یک ءُُ اظہار عکاس انت۔کمیشن ءِ دیوان ءِ سروکی ءِ گچینی ءِ پدا پاکستان منشیات ءَ چہ ہمگرچیں چیلنجزءَ را حل کنگ ءُُ متوازن،جامع ءُُ شاھدی ءِ بنیاتءِ سرا پٹ ءُُ پول ءِ راھبندءَ را اختیارکنان ءَ دراھیں فریقاں گوں گپ ءُُ تران ءُُ کمک ءِ وسیلگ ءَ نظم ءُُ نسق ھلائینگ بیت۔ویانا ءِ تہ ہڈنارکوٹکس ڈرگس کمیشن اقوام متحدہ ءِ ادارگ برائے منشیات ءُُ جرم ءِ یک گورننگ باڈی ءُُ منشیات ءِ جیڈحانی باروا نظام ءُُ منشیات ءِ گرودار ءِ میاں اوستمانی ادارگ ءِ منوگرانی سرا وڈءُُ پیم ءِ ھوالہ چہ یک پالیسی ساچ ءِ ادارگ انت۔مئی 2019ءِ تہ پاکستان ءَ را چار سال ءِ وھد ءِ ھاترا کمیشن ءِ باسک گچین کنگ بوتگ۔
