دہشت گردی نا چٹفنگ نا اسٹ انگا وڑپاک اوغان تعلقداری تا گچینی ئِ، مسکوہی سفیر ایاز وزیر

اسلام آباد۔ 16 فروری (اے پی پی) مسکوہی سفیر ایاز وزیر پارینے کہ دہشت گردی نا چٹفنگ کن پاکستان و اوغانستان نا نیام اٹ تعلقداری تا گچین مننگ بے کچ المی ئِ۔ ریڈیو پاکستان تون ہیت و گپ کرسا اوپارے کہ پاکستان اٹی مروک آ دہشت گردی نا واقعہ غاتا اوغان جماعت الاحرار نا کنڈآن زمواری امنا کننگ ننا بدقسمتی ئِ۔ اوپارے کہ ہڑتوم آ ملک آتیٹی مروک آ دُن انگا واقعہ غاتا زمواری ئِ اسہ ایلو آ خلنگ آن ویل ایسر مفک۔ اوغانستان ئِ دا ہیت ئِ پہہ مننگ نا گرج ئِ کہ پاکستان گدرینگوک آ 40 سال آن اوغانستان تون تفنگ ئِ وخت اس کہ او حسان فراموشی اٹ کاریم ہلنگئِ۔ ایاز وزیر پارے کہ دہشت گردی نا چٹفنگ نا اسٹ انگا وڑ ہڑتوم آ مک آتا نیام اٹ تعلقداری تا گچینی ئِ۔ اوپارے کہ تعلقداری تے گچین کننگ کن ہڑتوم آ ملک آتا سیاسی سروک آتے اواری اٹ تولسا ہیت کروئی مرے و دا چرجوئی ٹی ہمسایہ ملک آک ہم اہم کڑد ادا کننگ کیرہ۔