اسلام آباد ۔ 13 دسمبر (اے پی پی) مزن وزیر عمران خان ءَ گوں برطانیہ ءِ بنی آدمی ھک آنی نامداریں کانود زانت کلیو سٹیفرڈ ءُُ امریکہ ءِ میاں اوستمانی کانود ءِ بلدکار ایرک لیویز ءَ ادا گند ءُُ نند کت ۔ آدینگ ءِ روچ ءَ بوھوکیں گند ءُُ نند ءِ ساھت ءَ مزن وزیر ءِ ھاسیں کمکار بیرسٹر شہزاد اکبر ھم اے موہ ءِ سر ءَ ساڑی ات ۔ گند ءُُ نند ءِ تہ ءَ مقبوضہ جموں کشمیر ءَ بھارتی اُرد آنی بنی آدم آنی لگت مالی ءِ ھوالگ ءَ ھیال ریچی کنگ بوت ۔ مزن وزیر عمران خان ءَ مقبوضہ کشمیر ءِ کودکیں الس آنی سر ءَ اُرش کنگ ءُُ بزگ کنگ میاں اوستمانی دگنیا ءِ واستہ چکاس ات ۔ مزن وزیر ءَ اے جزم ءِ درشان کت کہ میاں اوستمانی دگنیا ءَ را اے ھوالگ ءَ مقبوضہ کشمیر ءِ کودکیں الس ءِ گوانک ءِ ھاترا ھمگام ءَ اوشتگ لوٹ ایت ۔ مزن وزیر ءَ اے جزم ءِ درشا ن کت کہ پاکستان کشمیری الس ءِ اخلاقی، سیاسی ءُُ سفارتی کمک ءَ را جاڑی دار ایت چیا کہ مقبوضہ کشمیر ءِ الس اقوام ءِ متحدہ ءِ چارٹر ءُُ سلامتی کونسل ءِ منوگری آنی رد ءَ وتی وت واجئی کوشست ءَ دزگٹ انت ۔
