اسلام آباد ۔ 13 دسمبر (اے پی پی) مزن وزیر عمران خان ءَ گوشت کہ زھگ چاگرد ءِ آیوکیں باندات بنت انت، چاگرد ءِ آیوکیں باندات ءِ ھلاپ ءَ لگت مالی ءُُ سیکسول اراسمنٹ سرج میں چاگرد ءِ واستہ لاءک ءِ شرمی ءُُ اپسوزی گپ ات، زھگ آناں جوانیں زندمان ءُُ ایٹماسپئیر پجارینگ نا ایوک ءَ حکومت بلکینگ ءَ سرج میں چاگرد ءِ ھمک مردم ءِ زمہ واری انت ءُُ حکومت اے رد ءَ ھمک رنگ ءِ گامگیج چست کنت ءَ انت، مزن وزیر ءَ وزارت ءِ بنی آدمی ھک ءَ را زھگ آنی ھلاپ ءَ جرائم آنی گر ءُُ دار ءِ واستہ وزارت ءِ توکی کار ءُُ صوبائی حکومت ءِ شور ءُُ مشور ءُُ کمک ءَ را راجی تک ءَ نیشنل ایکشن پلان ءَ را آیوکیں دو ھپتگ آنی تہ ءَ پکوئیں رنگ دیگ ءِ ھم پنت ءُُ شون کت ۔ اے ھیالانی درشانی آئی ءَ آدینگ ءِ روچ ءَ زھگ آنی ھوالگ ءَ جرائم ھاسیں رنگ ءَ زھگ آنی سیکسول اراسمنٹ ءِ گر ءُُ دار ءِ ھوالگ ءَ مزن تکی دیوان ءَ تران کنان ءَ کت ۔ دیوان ءَ بنجاھی وزیر وانگ ءُُ زانگ شفقت محمود، بنجاھی وزیر بنی آدمی ھک ڈاکٹر شیریں مزاری، ھاسیں کمکار کیاسگری، شہزاد اکبر، سیکرٹری توکی کار یوسف نسیم کھوکھر، صوبائی آئی جیز ءُُ وزارت ءِ توکی کار صوبائی ہوم ڈیپارٹمنٹ ءِ کلانہ ایں اپسرگ شریک اتنت ۔ دیوان ءَ مزن وزیر ءَ را ملک ءِ اند ر ءَ زھگ آنی ھلاپ ءَ جرائم ھاسیں رنگ ءَ سیکسول چیز، انوں زوتاں دیم ءَ گندگ بوھوکیں لستیں اپسوزی واکیہ ءُُ اے رنگیں جرائم آنی گر ءُُ دار ءِ ھوالگ ءَ انتظامی گامگیج آنی بابت ءَ سرج میں بریفنگ دیگ بوت ۔ ایڈیشنل آئی جی سی ٹی ڈی پنجاب ءَ دیوان ءَ را زینت کیس، چونیاں کیس ءُُ راولپنڈی کیس ءِ ھوالگ ءَ دیم ءَ گندگ بوھوکیں راستی، صوبہ پنجاپ ءَ زھگ آنی ھوالگ ءَ جرائم آنی کچ ءُُ کساس ءُُ قصور ءَ چونیاں ءِ وڑیں واکیہ ءَ را کیس سٹڈی ءِ رنگ ءَ ایشرا جوانیں رنگ ءَ گر ءُُ دار کنگ ءُُ آیوکیں باندات ءِ گامگیج آنی سر ءَ سرجمی ءَ سرپد کت ۔
