کوءٹہ ۔ 13 دسمبر (اے پی پی ) ننا حکومت غٹ آن زیات بجٹ تعلیم و اسکول آتا راجی آسراتی کن تخانے جام کمال خان تعلیم نا فراوانی کن سنجیدہ ءِ ، ماہ نور ایجوکیشن ویلفیئر فاءونڈیشن ٹیچر آتا است بڈی ءِ کننگ کن شاندار دود اس اڈ تسنے ای اونا دا گام ءِ ستاکڑزوک سرپند کیوہ ۔ داخیال آتا درشانی ءِ ترجمان حکومت بلوچستان لیاقت شاہوانی و بلوچستان عوامی پارٹی نا مرکزی راہشون رحیم آغا ماہ نور ایجوکیشن فاءونڈیشن ویلفیئر فاءونڈیشن نا کنڈآن و بلوچستان ویمن پروموٹ ٹیلنٹ نا شریداری اٹ سینئرانگا پرنسپل و مشن گرلز ہائی اسکول نا ہیڈ مسٹریش رضوانہ غنی نا 42 سالہ تعلیمی خذمت و زالبول آتے ٹی تعلیم ءِ لس کننگ و صوبہ نا مسن تا ٹیلنٹ ءِ پروموٹ کننگ اٹ اہم کڑد ادا کننگ نا بابت اوفتے خراج تحسین پیش کننگ کن گورنمنٹ گرلز ہائی اسکول مشن روڈ کوءٹہ ٹی اڈ بیسٹ ٹیچر;223;پرنسپل پرفارمنس ایوارڈ نا شاندار دود انا بشخ ہلوک آتیان تران کرسا کریر ۔ دود اٹی سیاسی و راجی راہشون ملک ولی وردگ، سہیل یونیفارم نا حاجی مقبول، ڈپٹی ڈائریکٹر سوشل ویلفیئر ڈیپارٹمنٹ مہ جبین، ڈپٹی ڈائریکٹر سوشل ویلفیئر ڈیپارٹمنٹ میر ہارون رئیسانی ، بلوچستان نیشنل پارٹی نا سینٹرل کمیٹی باسک شمائلہ اسماعیل ، پی ٹی وی نا اینکر رضیہ سلطانہ، مشن پرائمری نا ہیڈمسٹریس زیباکاظمی، (;66878084;) نا چیئرپرسن مسز روبینہ طیب ، ادارہ نا کور سپونڈینٹ ارسلان رضا، ڈائریکٹر مارکیٹنگ بسمہ عظیم، ادارہ نا چیئرمین سید طیب شاہ و صدر سید شاہ زیب شاہ ئسک ساڑی ئسر ۔ دود آن تران کرسا اوفا مستی پاننگ ئس کہ انسانی نا اولیکو درسگاہ اونا اُرامریک ہراڑے اونا پرورش ءِ کننگک ۔ ہراڑان اودے اسہ خاص وڑاٹ سجفنگ و عمل کننگ نا سلیقہ بریک ۔ نیک نیاڑی نا کُٹ اٹی ودوک آ چنا یقینا اسہ جوان ءُ انسان و گچین ءُ مسلمان اس مریک ۔ دا چنا لمہ نا آئینہ دار مریک و اوٹی عزت نفس، وفاکشی وغیرت نا ہمو غٹ خوبیک ساڑی مریرہ ہرا تینٹ اونا لمہ ٹی ساڑی ئسر ۔ انسان اٹی ساڑی جہالت بیرہ تعلیم آن آخا بلکن پرورش آن ہم چٹک، تعلیم ہر انسان چائے او ہزگار اس مرے یا نیزگار اس ، نرینہ اس مرے یا نیاڑی نا بنداوی گرج آتیان اسٹ ءِ ۔ دا انسان نا بنداوی حق ءِ ہرادے ہچ کس پُلنگ کپک ۔ اوکان پد دود آن ادارہ نا چیئرمین سید طیب شاہ، ملک وکی وردگ و ایلوفک تران کریر ۔ وخت اس کہ کارکڑدگی نا بنداو آ چندی اسکول آتا پرنسپلز و ٹیچر آتا کارکڑدگی نا بنداو آ ایوارڈ تننگا ۔
