اسلام آباد ۔ 13 دسمبر (اے پی پی) وزیراعظم عمران خان پارینے کہ پاکستان آن پولیو نا پورو چٹفنگ کن کل قوم اواری اٹ کوشست کیر، انسداد پولیو نا قومی مہم ملک انا آخبت کن بے کچ اہم ءِ، پولیو نا مون ءِ توننگتو تو جہانی کہول آ ویل ودی مریک، پولیو نا سوب آن ملک انا تشخص ءِ خراب مرسا ہُننگ خواپنہ ۔ داخیال آتا درشانی ءِ او جمعہ نادے آ داڑے انسداد پولیو نا قومی مہم نا بناءِ کننگ نا وخت آ کرے ۔ وزیراعظم عمران خان پنچ سال آن کم وئی چناتے پولیو نا پڑی کنفسامہم نا باقاعدہ بناءِ کرے ۔ وزیراعظم عمران خان دود آن تران کرسا پارے کہ انسداد پولیو مہم اٹی اِرالکھ شست ہزار ورکرز بشخ ہلنگ ءُ، مہم اٹی پنچ سال آن کم وئی نا چار کروڑ آن زیات چناتے پولیو نا پڑی کنفنگک ۔ اولمہ و باوہ خاص وڑاٹ لمہ غاتیا زور شاغا کہ او تینا پنچ سال آن کم وئی چناتے پولیو نا پڑی کفننگ ءِ پک کیر و اگہ پولیو ٹیم اوفتسکان تینٹ سرمفک تو او تینا چناتے پولیو نا پڑی کفنگ کن تینٹ دیر، دانئے بیرہ اوفتا چناتا جان جوڑی بلکن قوم اکن المی ءِ ۔ اوپارے کہ بدبختی اٹ پاکستان ہمو اِراملک آتے ٹی اوار ءِ ہراڑے اینو ہم پولیو نا وائرس ارے، داننکن شرم انا سوب ءِ ۔ اوپولیو نا انسداد کن کاریم کروک آ ورکرز آتے قومی ہیرو گوندسا پارے کہ اوفک عسکریت پسند آتا کنڈآن شست مننگ آن پد ہم دا مہم ءِ سرسہبی اٹ برجاتخار ہمو علاقہ غاتسکان ہم سرمسر ہراڑے موسمی حالیت آتا سوب رسینگ بھاز مشکل ئس ۔
