کوءٹہ ۔ 13 دسمبر (اے پی پی) صوبائی وزیر داخلہ میر ضیاء لانگو مسلم باغ نا علاقہ کان مہتر زئی ٹی ٹریفک شکست اٹی نہادی جان تا زیان آ است ہسونی نا درشانی ءِ کرے ۔ صوبائی وزیر داخلہ واقعہ غا ترندی نا درشانی ءِ کرسا تعلقدار کمامدار آتیان رپورٹ طلب کرینے و پارے کہ ایرانی پٹرول نا سمگلنگ آ پورو پابندی آن پد ہم دا چرجوئی بند مننگ کتنے و اینو پانزدہ بندغ دانا سوب آن دنیا ءِ الانو ۔ اوپارے کہ زموار آتا برخلاف کارروائی مریک ۔ صوبائی وزیر داخلہ پی ڈی ایم اے نا وخت آ کارروائی آ است جمی نا درشانی ءِ کرے ۔ و پی ڈی ایم اے نا عملہ ءِ پارت کرے کہ او واقعہ نا جاگہ غا ساڑی مرے تانکہ پین کارروائی تیٹی الس ءِ ریلیف تننگ کے، اوزہمی خاہوت آتون است ہسونی نا درشانی ءِ کرسا پارے کہ اللہ تعالیٰ غٹ شہید آتے جنت الفردوس اٹی جاگہ ایتے و اوفتا خاہوت آتے صبر کننگ نا توفیق ایتے ، اوپارے کہ صوبائی حکومت غٹ خاہوت آتا غم اٹی بریبر نا شریک ءِ واقعہ نا زموار بندغ آتون سختی اٹ مون تننگک ۔
