کوءٹہ ۔ 13 دسمبر (اے پی پی) وزیراعلیٰ بلوچستان جام کمال خان کان مہتر زئی نا خڑک مسافر کوچ اسے نا شکست اٹی نہادی جان تا زیان آ ڈکھ و است ہسونی نا درشانی ءِ کرسا وزیراعلیٰ غمزدہ خاہوت تون ہڑزخواہی و ہمدردی نا درشانیءِ کرسا انتظامیہ ءِ پارت کرینے کہ زہمی خاہوت آتا پبی کمک ءِ کننگے ۔ وزیراعلیٰ ضلعی انتظامیہ ءِ پارت کرے کہ قومی شاہراہ تیا شکست آتا توننگ کن گچین ءُ لاءحہ عمل اس جوڑ کننگے و قومی شاہراہ تیا ترند رفتاری و ٹریفک کانود نا خلاف ورزی کروک آتا برخلاف سخت کارروائی کننگے ۔
