اسلام آباد۔ 13 دسمبر (اے پی پی) قومی اسمبلی ئِ پاننگانے کہ تدوک آ سال پاکستان ٹیلی ویژن 350 ملین روپئی نا کٹیا کرینے، خوشی نا ہیت اسے کہ مستین اٹی نسخان اٹی چلینگوک آ ادارہ کٹیا کننگ ئُ۔ جمعہ نا دے آ قومی اسمبلی ٹی وقفہ سوج آتے ٹی مریم اورنگزیب نا سوج انا ورندی ٹی پارلیمانی امور نا وزیر مملکت علی محمد خان ایوان ئِ پارے کہ مستین اٹی پی ٹی وی نسخان اٹی چلینگوک ئُ ادارہ اس ئس ولے اینخو سال دا ادارہ 350 ملین روپئی بچت کرے۔ اوپارے کہ حکومت پی ٹی وی ئِ 11.26 ارب روپئی تسوسس ہرافتیان 11.21ارب روپئی خڑچ کننگا۔ اوپارے کہ 2015-16ءٹی پی ٹی وی ئِ 129ملین، 2017-18ءٹی 650 ملین روپئی نسخان مسوسس۔ اینخو نا سال پی ٹی وی ئِ 350 ملین روپئی نا بچت مسنے۔ اوایوان ئِ پارے کہ مالی سال 2018-19ءٹی پی ٹی وی نا کل کٹیا 11561.28 ملین روپئی ئس۔ اوایوان ئِ پارے کہ پاکستان براڈ کاسٹنگ کارپوریشن داوخت اٹی 5548.88 ملین روپئی نا کل کٹیا کرے وخت اس کہ خڑچ آک 7503.78ملین روپئی ئسر۔
