اسلام آباد ۔ 13 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان سخت انگا حالیت آتے ٹی ملک ءِ سنبھالا و خواتہ مننگ آن بچفے، روپئی نا قدر و درملکی زرکاری ٹی ودکی ملک و قوم اکن نیک فال اسے ۔ داخیال آتا درشانی ءِ او جمعہ نادے آ تینا ٹویٹ اٹی کرے ۔ خصوصی کمکار پارے کہ وزیراعظم عمران خان سخت انگا حالیت آتے ٹی ملک ءِ سنبھالا و خواتہ مننگ آن بچفے ، وزیراعظم نا سرکڑدہ ہی و معاشی ٹیم انا سخت خواری تا سوب پاکستان معاشی سوگوی نا مزل نا کنڈا ترندی اٹ راہی روان ءِ ۔ اوپارے کہ روپئی نا قدر و درملکی زراٹی ودکی ملک و قوم اکن نیک فال اسے ، اینخو نا سال کرنٹ اکاءونٹ نسخان اٹی 73 درسد پیدوارکمتی بس ۔ اوپارے کہ کاروبار اٹی آسانی ودی کننگ نا بابت پاکستان نا 28 درجہ گچینی و موڈیز نا آءوٹ لک منفی آن سوگو گوندنگ جہانی ادارہ غاتا ملکی زرگزران نا گچین مننگ نا اعتراف ءِ ۔ ڈاکٹر فردوس عاشق اعوان پارے کہ پاکستان نا اسٹاک ایکسچینج جولائی آن 6دسمبر اسکان 19;46;8درسد نا ریٹرن تس ہرا تدوک آ 6سال اٹی غٹ آن زیات ءِ ۔
