اسلام آباد ۔ 13دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ اپوزیشن ایوان اٹی آجو سلاہ درشانی نا بابت غلط بیانی کرینے، ایوان اٹی غلط بیانی پارلیمنٹ نا شرف ءِ لتاڑک، پاکستان اٹی ہر شاری ءِ آجو سلاہ درشانی نا پورو حق دوئی ءِ، گڑاس زموار آجوئی صحافت نا آڑاٹ تینا فائدہ غاتا رکھ ءِ خوارہ، وزیراعظم صحافتی بشخ ءِ مون تروک آخبت نا چیلنج آتے ایسر کننگ کن کمیٹی اس ٹہیفینے، پاکستان اٹی پیشن نا زرکاری کن سازگار چاگڑد اس فراوان کننگ انگ ءِ و پاکستان نا مثبت دروشم ءِ دنیا ٹی تالان کننگ کن گام گیج کننگ انگ ءِ، جہانی معاشی ادارہ پاکستان نا زرگزران نا سوگوی نا نوید ءِ بنفنگ ءِ ۔ داخیال آتا درشانی ءِ او جمعہ نادے آ داڑے پارلیمنٹ ہاءوس نا پیشن میڈیا تون گپ وتران کرسا کرے ۔ خصوصی کمکار حوالکاری و شین کاری پارے کہ پاکستان اٹی آجوئی صحافت آ پابندی تا بابت منفی پروپیگنڈا کننگ انگ ءِ ۔ اوپارے کہ پاکستان اٹی ہر شاری ءِ آجو سلاہ درشانی نا پورو حق دوئی ءِ ، پاکستان نا مثبت دروشم ءِ دنیا ٹی تالان کننگ کن گام گیج کننگ انگ ءِ ۔ خصوصی کمکار پارے کہ حکومت پاکستان اٹی پیشن نا زرکاری کن سازگار چاگڑد اس فراوان کننگ ءِ، حکومت نا گچین پالیسی تا سوب جہانی ادارہ پاکستان نا زرگزران نا سوگوی نا نوید ءِ بنفنگ ءُ ۔ اوپارے کہ مستین نا حکومت آک ملک انا زرگزران ءِ بھاز نسخان تسنو و ساڑی حکومت ءِ زرگزران تون اوار کیہی بشخ آتے ٹی چیلنج آتا مون تروک مس ولے داسہ پاکستان نا زرگزران گچینی نا کنڈا ہِننگ ءِ ۔ ڈاکٹر فردوس عاشق اعوان پارے کہ گڑاس عنصر آجوئی صحافت نا آڑاٹی تینا فائدہ غاتا رکھ ءِ خوارہ ۔ وزیراعظم عمران خان صحافتی بشخ ءِ مون تروک آخبت نا چیلنج آتے ایسر کننگ کن کمیٹی اس ٹہیفینے، وزیراعظم نا ٹہیفوک آ کمیٹی ٹی صحافتی نمائندہ غاتا تنظیم تا باسک آک اوارمریرہ، ای کمیٹی ٹی فوکل پرسن نا کڑد ءِ ادا کیوہ ۔ خصوصی کمکار ڈاکٹر فردوس عاشق اعوان پارے کہ ایوان اٹی اسہ سنگت اس انفارمیشن کمیشن نا بابت غلط بیانی کرے، انفارمیشن کمیشن ءِ چندی درخواست ملانے ۔ خصوصی کمکار پارے کہ ایوان اٹی غلط بیانی پارلیمنٹ نا شرف ءِ لتاڑکیک، جہانی ایجنڈا نا رداٹ گڑاس خلقت ملکی زرگزران نا بابت غلط بیانی کننگ ءُ ۔ اوپارے کہ میڈیا مالکان و ورکرز آتا نیام اٹ خلیج ءِ کم کننگ کن گام گیج کننگ اُن ۔ وزیراعظم کانودءِ واکدار کرینے، واکدار کانود آن پاکستان ءِ واکدار کینہ ۔
