اسلام آباد ۔ 13 دسمبر (اے پی پی) وزیر خارجہ مخدوم شاہ محمود قریشی پارینے کہ ڈیہہ ٹی امن و سوگوی نا دارومدار ، اوغانستان اٹی امن تون گنڈوک ءِ ، امریکہ طالبان مذاکرات زوت بحال مریک ۔ داخیال آتا درشانی ءِ او جمعہ نادے آ اوغان امن عمل کن امریکہ نا نمائندہ خصوصی زلمے خلیل زاد تون اوڑدہی ٹی کرے ۔ اوڑدہی ٹی اوغان امن عمل تون اوار ڈیہہ ٹی امن و ایمنی نا جم اٹنگا حالیت آتیا گپ و تران کننگا ۔ وزیر خارجہ شاہ محمود قریشی پارے کہ پاکستان اولیکو دے آن دا موقف آسلوک ءِ کہ واک انا کاریم اٹ اتنگ اوغان ویل انا ایسراف، ننے گمان ءِ کہ امریکہ طالبان مذاکرات زوت بحال مریک ۔ اوپارے کہ ڈیہہ ٹی امن و سوگوی نا دارومدار، اوغانستان اٹی امن تون گنڈوک ءِ ۔ پاکستان ، اسیجا زمواری نار داٹ اوغان امن عمل اٹی تینا مصالحانہ کڑد، خلوص نیت تون اداکرسا کیک ۔ زلمے خلیل زاد وزیر خارجہ ءِ اوغان طالبان و امریکہ نا نیام اٹ ڈل آتا کہول آ مروک آ مذاکرات نا سرجم آتیان معلومدار کرے ۔ اوغان امن عمل کن امریکہ نا نمائندہ خصوصی زلمے خلیل زاد اوغانستان اٹی امن کن پاکستان نا مصالحانہ کڑد انا ستاءِ کرے ۔
