اسلام آباد ۔ 13 دسمبر (اے پی پی) ڈھاکہ ٹی پاکستان نا پندار ہائی کمشنر عمران احمد صدیقی جمعہ نادے آ وزارت خارجہ ٹی وزیر خارجہ مخدوم شاہ محمود قریشی تون اوڑدہی کرے ۔ اوڑدہی ٹی وزیر خارجہ عمران احمد صدیقی ءِ بطور ہائی کمشنر ڈھاکہ تعیناتی آ مبارکبادی تس ۔ وزیر خارجہ پندار ہائی کمشنر ءِ پاکستان نا خارجہ پالیسی اولیت آتا بابت اہم پارت ہم تس ۔ وزیر خارجہ پندار ہائی کمشنر ڈھاکہ ءِ پارے کہ نی ہندن ءُ وخت اسے ٹی بطور ہائی کمشنر نا زمواری تے سنبھالنگ والا اُس ہراتم پاکستان ءِ سفارتی محاذ آ بھاز انگا چیلنج آک مون تروک ءُ ۔ پندار ہائی کمشنر ڈھاکہ عمران احمد صدیقی وزیر خارجہ نا منت واری ءِ ہرفسا اودے باوری کرفے کہ او تینا غٹ تر لاءخی تے کاریم اٹ اتسا دا پت آ پورو سلنگ نا ہروڑ کوشست کیک ۔
