اسلام آباد ۔ 13 دسمبر (اے پی پی) صدر مملکت ڈاکٹر عارف علوی پارینے کہ پاکستان فرانس تون معاشی کمکاری ءِ ودفنگ نا است خواہی تخک ۔ پاکستان اٹی زرکاری دوست پالیسی تا سوب آن زرکاری نا بھلو گنجائشت اس ساڑی ءِ، جھیڑہ ہی شہریت (ترمیمی) ایکٹ 2019ء نا پڑو بھارتی سیکوالرزم نا بدنامی ءِ و دا اقلیت خاص وڑاٹ مسلمان تے بھاز گڑتی ٹی شاغانے ۔ داخیال آتا درشانی ءِ او جمعہ نادے آ ایوان صدر اٹی پاکستان اٹی فرانس نا سفیر مارک بریٹی تون گپ و تران کرسا کرے ۔ صدر پارے کہ کشمیر اٹی پورو وڑاٹ لاک ڈاءون ءِ ہراڑے کشمیری الس نا غٹ شاری آجوئیک معطل ءُ و اوفتیا وحشیانہ بیدادی، عصمت دری و بندی نا سزا تننگ انگ ءِ ۔ کشمیری الس نا حالیت ناذکر ءِ کرسا اواومیت ظاہر کرے کہ فرانس کشمیری الس نا ڈکھ آتا چٹفنگ اٹ تینا سہی کڑد ءِ ادا کیک و بھارت آ کشمیر اٹی انسانی حق آتا لتاڑنگءِ توننگ آ زور شاغک ۔ صدر پارے کہ پاکستان فرانس تون تینا تعلقداری تے بھاز اہمیت ایتک و ہڑتوم آ کہول اتون اوار اوار یورپی یونین نا رداٹ فرانس تون تینا تعلقداری تے پین مون آ دننگ آ کوشست کننگ ءِ ۔ اودا است جمی نا درشانی ءِ کرے کہ پارلیمانی سنگتی پڑک آتون اوار ہڑتوم آ ملک آتا سروک آتا نیام اٹ بڑزکو کہول آ رابطہ ساڑی ءِ ہرافک تین پہ تینی تعلقداری تے سوگو کننگ اٹ اہم ءُ کڑد ادا کریر ۔ اوپارے کہ پاکستان فرانس تون معاشی کمکاری ءِ ودفنگ نا است خواہی تخک و اونا زرکاری دوست پالیسی تا سوب آن پاکستان اٹی زرکاری نا بھلو گنجائشت اس ساڑی ءِ ۔ صدر پارے کہ فرانس اٹی اسہ لکھ پاکستانی الس نا کہول آ رابطہ غاتے مون آ دننگ کن پول انا کڑدءِ ادا کننگ ءُ ۔ اوداہم پارے کہ پاکستان اٹی سیل و سوات نا بھلو وارخواہی اس ساڑی ءِ ، دا دودوربیدگ نمونہ غاتیان مالامال ءِ و فرانسیسی الس دا وارخواہی تیان بایدے فائدہ ہرفے ۔ اوپارے کہ چاگڑدی بدلی جہانی ءُ خطرہ اسے و پاکستان نا کاربن اٹی کم بشخ مننگ آن پد ہم او زیات زہمی ملک آتے ٹی اوار ءِ ۔ دانا سنگین نتیجہ غاتے کم کننگ کن جہانی کمکاری ءِ سوگو کروئی مریک ۔ اوپاکستانی و فرانسیسی تعلیم نا چاہندار آتا نیام اٹ تعلیمی کمکاری نا گرج آ ہم زور شاغا وپارے کہ دارداٹ ٹرینرز آتا تربیت ہم بھاز اہم ءِ ۔ اوپارے کہ پاکستان قدرتی زیبائی آن مالامال ءِ، خاص وڑاٹ اونا قطبی علاقہ غاتے ٹی سیل وسوات نا بھلو لاءخی اس ساڑی ءِ ۔
