اسلام آباد ۔ 12 دسمبر (اے پی پی) وزیراعظم عمران خان تون تحریک انصاف نا قائمہ کمیٹی نظم و احتساب اوڑدہی کرے و اودے پارٹی نا تہہ نا نظم و ضبط نا بابت داوخت اسکان چست کروک آ گام گیج آتیان معلومدار کرے ۔ تحریک انصاف نا بنجائی میڈیا ڈیپارٹمنٹ نا اعلامیہ نا رداٹ وزیراعظم عمران خان تون چیئرمین سلمان آفتاب نا کماشی ٹی مرکزی قائمہ کمیٹی نظم و احتساب نا باسک آک بیرسٹر سلمان آفریدی ، رخسانہ بھٹی، ناصر ہمدانی و انازوہیر اسلام آباد اٹی اوڑدہی کریر و قائمہ کمیٹی نا داوخت اسکان نا کارکڑدگی آن وزیراعظم ءِ معلومدار کریر ۔ اوڑدہی ٹی وزیراعظم تحریک انصاف نا تہہ ٹی نظم و ضبط نا بابت قائمہ کمیٹی نا کوشست آتا ستاءِ کرسا پارٹی نا تہہ ٹی نظم و ضبط انا بابت قائمہ کمیٹی ءِ خاص پارت کرے ۔
