کوءٹہ ۔ 12 دسمبر (اے پی پی) ڈپٹی اسپیکر قومی اسمبلی قاسم خان سوری پارینے کہ مثبت طرز حکمرانی نا سوب بیرہ پانزدہ تُو اٹی پاکستان انٹرنیشنل ایئر لائنز (پی آئی اے) نا 70 درسد نسخان چٹانے، جہانی ادارہ غاک ملکی زرگزران نا بحالی نا ستاءِ کننگ ءُ و کراچی اسٹاک ایکسچینج گچینی نا کنڈا ہِننگ ءِ ، ورناک پاکستان نا آخبت و میرات ءُ، بلوچستان نا ورناتے ٹی ٹیلنٹ نا ہچ ءُ کمتی اس اف ، و اوفتا آخبت روشناءِ ، ورناک وزیراعظم عمران خان نا واک و پاکستان نا نہادی میرات ءُ، سرسہب ورناپروگرام نا رداٹ یوتھ انٹرپرینیور شپ اسکیم (;896983;) بناءِ کننگ نا پڑو ءِ کننگا ہرانا بنداوی تصور کسب آن کاروبار اسکان ءِ ، سرسہب ورناپروگرام کن 100 ارب روپئی جتا کننگانے، پوسکن آ کاروبار نا بناءِ کننگے یا چلینگوک آ کاروبار ءِ ودفوئی مرے اگہ نم پاکستانی اورے ورنا اورے و بے روزگار اورے تو نم وزیراعظم پاکستان عمران خان نا پاکستانی ورناتے واکدار کننگ نا بابت پروگرام سرسہب ورنا آن فائدہ ہرفسا روزگار دوئی کننگ کیرے ۔ پاکستان نا 64درسد آبادی سی سال انا وئی آن کم بندغ آتیا تالان ءِ وخت اس کہ 29 درسد پاکستانی تا وئی 15و سی سال انا نیام اٹی ءِ ، سرکاری آب انا رداٹ کم و ود شش و نیم کروڑ پاکستانی ورناتا سفت آ پورو سلنہ، چاہندار ورناتا داخہ در کچ ءِ ملک اسے کن اسہ میرات اس گوندنگک، ہرا دا ملک انا راجی و معاشی شونداری ٹی کلیدی ءُ کڑد اس ادا کننگ کیرہ، سرسہب ورناپروگرام اٹی دا عزم انا درشانی ءِ کننگانے کہ تینا کسب ءِ کاریم اٹ اتسا ملک انا شونداری ٹی دوءِ سبک کیر ۔ داخیال آتا درشانی ءِ او پنچ شنبے نادے آ بیوٹمز یونیورسٹی کوءٹہ ٹی سرسہب ورناپروگرام نا بنائی دود آن تران کرسا کرے، ڈپٹی اسپیکر قومی اسمبلی پارے کہ ورنا اُراٹی تولوک آن لائن درخواست جمع کرفنگ کیرہ، درخواست آک دمدستی وڑٹ بینک آتسکان سرمریرہ، اوپارے کہ دہ لکھ ورنا براہ راست پروگرام آن فائدہ ہرفنگ کیرہ و اودیم اسکور کارڈ انا رداٹ درخواست آتا جانچ پڑتال ءِ کننگک، درخواست آتا منظوری یا اوفتے مسترد کننگ نا 30 آن 45دے اسکان فیصلہ کننگک ۔ ورناک تینا کنڈآن تیار کروک کاروباری ڈٹ انا فزیبلٹی ءِ جمع کرفنگ کیرہ یا اوفتا کمک کن تروک آ فزیبلٹی آن اسٹ اسے کاریم اٹ اتنگ کیرہ ۔ اوپارے کہ ورناتے بے کچ کم انٹرسٹ ریٹ و آسان شڑت آتیا وام تا آسراتی تننگ انگ ءِ ہرا کاروباری وارخواہی تیٹی ودکی نا سوب مریک، دا پروگرام آن چنکا و درمیانہ درجہ نا صنعت آتے کن دوئی وارخواہی تیٹی نمان ودکی مریک، سرسہب ورناپروگرام نا اولیکو مرحلہ 2022 اسکان برجاسلک ، اومستی پارے کہ دا پروگرام کن ملکی درملکی و جہانی ادارہ غاک و دوست ملک آک امداد تننگ ءُ، دا وام تا خاص ہیت دادے کہ دافتا دوئی کننگ کن درخواست تروک آءِ چندی دفتر آتا چکر ءِ خلوئی مفک، ویب ساءٹ آ ساڑی اسہ بے کچ ہی آسان فارم اس پُر کروئی مریک ہراٹی ذاتی معلومداری آن بیدس وام تا زر آن بناکروک آ سلاہ ئی کاروبار یاروزگار نا سرجم آتے تروئی مریک ۔ قاسم خان سوری پارے کہ سرسہب ورناپروگرام کن وئی نا حد 21 آن 45سال اسکان تخانن شناختی کارڈ نا شڑت ءِ پک گوندنگانے ، آئی ٹی و ای کامرس تون وابستہ کاروبار کن کم آن کم حد 18 سال تخنگانے، سمال انٹر پرائز پوسکن آ ساڑی آ کاروبار نا ودفنگ اسٹیٹ بینک و پاکستان نا تشریح نا رداٹ پاکستانی شہریت المی مریک، اوپارے کہ آئی ٹی کامرس تون وابستہ کاروبار کن کم از کم تعلیمی قابلیت میٹرک 6 تُو انا آزموندہ یا ہڑتوم آتا مننگ المی ءِ ، سرسہب ورناپروگرام اٹی دوئی کروک آ وام تے زیات آن زیات 8 سال انا مداٹ پدی تروئی مریک اسہ سال اسکان نا گریس پریڈ مریک، کاروبار نا وڑانا لحاظ ءِ وام تا زر ءِ مسہ درجہ غاتے ٹی بشخنگانے، قاسم خان سوری پارے کہ اولیکو قسم اسہ لکھ روپئی اسکان بے سود وام اوارے ، ہرا وزیراعظم پاکستان عمران خان نا پڑو نا رداٹ ملک انا 45 ضلع غاتے ٹی نزور گپہ غاتے فراوان کننگک، اوپارے کہ وام تا حد اسہ لکھ آن پنچ لکھ روپئی اسکان ءِ رعایتی انٹرسٹ ریٹ 6 درسد سالانہ تخنگانے، وام تیکن بیرہ درخواست تروک انا جندی ضمانت المی مریک، وام انا حد پنچ لکھ روپئی آن بناکرسا 50 لکھ روپئی اسکان تخنگانے، ڈپٹی اسپیکر قومی اسمبلی پارے کہ دا سرسہب ورناپروگرام اٹی زالبول آتے کن 25 درسد وام وقف کننگانے ، بینک آف خیبر، بینک آف پنجاب ، نیشنل بینک آف پاکستان براہ راست وام فراوان کیرہ ، وام تا کل بجٹ 100 ارب روپئی ءِ ہراٹی 25ارب روپئی زالبول آتے کن خاص ءُ، اوپارے کہ پی پی اے ایف نا کمک اٹ 45ضلع غاتا غیر مراعات یافتہ بندغ آتے کن اسہ لکھ روپئی بے سود وام ، اسہ لکھ روپئی آن پنجا لکھ روپئی اسکان نا رعایتی وام ، وخت اس کہ درجہ سوم پنچ لکھ روپئی آن پنجا لکھ روپئی اسکان رعایتی وام تیان فائدہ ہرفوک آ بندغ آتا ہدف دہ لکھ ءِ ۔ اوپارے کہ 15دے اٹی سرسہب ورناپروگرام کن 10 لکھ درخواست ملانو اوفتے ٹی زالبول درخواست گزار آتا کچ اسہ لکھ شست ہزار ءِ، کم و ود 762ارب نا کل درخواست ءُ، 68 درسد درخواست گزار پوسکن ءُ کاروبار اس کننگ خوارہ، ایس ایم ای سینٹر نا مون آ دننگ اٹ کمک رسینگک ۔ پاکستان نا ہر ضلع غان درخواست ملانے، بیرہ میرٹ آ ہی پورو ڈیجیٹل سسٹم پاکستان اٹی ایس ایم ای وام تا ساڑی کل کچ 175000 ہزار ءِ بیرہ دا پروگرام نا رداٹ کم و ود 135000 وام تننگک ۔ اوپارے کہ ملک انا تاریخ اٹی اولیکو وار وزیراعظم عمران خان یوتھ پورٹل اس ٹہیفنگانے ہرانا رداٹ ورناتیان ملکی شونداری و شونہالی کن سلاہ دوئی کننگ مریک ۔
