ہری پور ۔ 12 دسمبر (اے پی پی) بنجائی وزیر توانائی پٹرولیم عمرایوب خان پارینے کہ مسلم لیگ (ن) نا حکومت گردشی وام تا مد اٹی قومی خزانہ غا بھاریم شاغا، توانائی نا بشخ اٹی جہانی کمپنیک زرکاری کن است خواہ ءُ ، کرپشن نا برخلاف ہچ وڑنا نرمی اس کننگپک، مچ آ ملک اٹی بجلی نا ویل انا ٹیم ورک انا کمک اٹ مون ءِ توننگا، ضلع ہری پور نا 85 درسد علاقہ غاتے ٹی گیس انا فراوانی ءِ پک کننگ انگ ءِ، ضلع ہری پور کن 9ارب آن زیات نا شونداری ڈٹ پوروی نا آخیریکو مرحلہ غاتے ٹی ءُ، ملکی زرگزران شونداری نا کنڈا ہِننگ ءِ ، زرکاری نا گچین وارخواہی فراوان کننگ انگ ءِ ، یونیورسٹی آف ہری پور کن 11 ارب 50 کروڑ روپئی جاری کننگانے، کسب کار بندغ آتا گرج ءِ ہرانا رداٹ خلقت ءِ نوکری تا وارخواہی فراوان مننگ کیک، ٹیلی فون انڈسٹری ءِ دُوارہ فعال کننگ انگ ءِ ، این آر ٹی سی ، ٹیکسلا ہیوی کمپلیکس و پی او ایف فیکٹری سی پیک نا رداٹ ضلع ہری پور دنیا ٹی پیدوار ءُ ہند اس دوئی کننگ ءِ ۔ او کمشنر ہزارہ سید ظہیر الاسلام نا کماشی ٹی آل ٹریڈرز ایسوسی ایشن نا سوغندی دود آن تران کریکہ ۔ عمر ایوب خان پارے کہ ضلع ہری پور اٹی بجلی نا ویل انا مون ءِ توننگ کن 132 کے وی اے نا اِراگریڈ اسٹیشن وخت اس کہ حطار نا ہند آ ٹی ٹونٹی گریڈ اسٹیشن اس زوت جوڑ کننگک، ہری پور نا الس ہرا پت انا درشانی ءِ کرے ، اوفتے وخت اس ہم است آن دننگ مفک، اوپارے کہ میڈیکل کالج تون اوار ڈسٹرکٹ ہیڈ کوارٹر ہسپتال نا اپ گریڈیشن ساڑی حکومت نا ضلع ہری پور کن ٹیکی اسے، ضلع ہری پور اٹی ٹریفک نا ویل انا مون ءِ توننگ کن اِرا اوور ہیڈ برج جوڑ کننگک، کم وولٹیج و لوڈشیڈنگ نا مون ءِ توننگ کن بجلی نا پوسکن ءُ لین تتون اوار ٹاسفارم تا اپ گریڈیشن برجاءِ، ہری پور نا الس نا سلابت اٹ ضلع ہری پور کن پین میگا پروجیکٹ بناکننگ انگ ءِ ۔ داوخت آ صوبائی وزیر مواصلات اکبر ایوب خان، یوسف ایوب خان، ڈپٹی کمشنر کیپٹن (ر) ندیم ناصر، ڈی پی او ڈاکٹر زاہد اللہ جان، اے سی غلام مجتبی بھروانہ، ایس پی شعبہ تفتیش آصف گوہر خان، ایس پی ٹریفک وارڈن ہزارہ طارق خان، صدر اے ٹی اے افتخار امین خان، جنرل سیکرٹری تنویر احمد خان، صدر چیمبر حاجی فخر عالم، سیٹھ خالد محمود، شوکت جاوید ، چوہدری صدیق، سیٹھ فضل الرحمان ، ملک طاہر محمود، عامر سلطان ، مصطفی ، مطلوب الرحمان ، حیات خان ، نذیر اعوان ، حمید اعوان اس تتون اوار ایلوفک ہم ساڑی ئسر ۔
