اسلام آباد ۔ 12 دسمبر (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ گلگت بلتستان اٹی سیل و سوات، معدنیات و ہائیڈل پاور نا بشخ انا شونداری ڈیہہ نا شونہالی ٹی مزل نا نشان مریک، وزارت امور کشمیر سرکاری بشخ انا شونداری پروگرام نا بابت گلگت بلتستان ءِ پبی کمک فراوان کننگ ءِ، گلگت بلتستان اٹی پن بجلی نا بشخ اٹی بے پناہ وارخواہی و لاءخی ساڑی ءِ ۔ پنچ شنبے نادے آ وزارت امور کشمیر و گلگت بلتستان اٹی سرکاری بشخ انا شونداری پروگرام نا رداٹ ڈٹ آتیا پیش رفت نا بابت دیوان اس اڈ ہلک، ہرانا کماشی ءِ وزیر امور کشمیر و گلگت بلتستان علی امین گنڈاپور کرے ۔ دیوان اٹی گلگت بلتستان اٹی سرکاری بشخ انا شونداری پروگرام نا رداٹ پن بجلی ڈٹ آتیا سرجم حوال تننگا ۔ دیوان ءِ پاننگاکہ گلگت بلتستان اٹی 34میگاواٹ ہارپو، 16میگاواٹ نلتر تھری و 32میگاواٹ عطا آباد ہائیڈل ڈٹ آتیا کاریم مننگ ءِ ۔ دیوان اٹی ڈٹ آتا تکنیکی و مالیاتی حالیت آتا جاچ ءِ ہلنگا ۔ داوخت آ وزیر امور کشمیر و گلگت بلتستان دا رداٹ پبی کمک کننگ ءِ ۔ گلگت بلتستان اٹی پن بجلی نا بشخ بے پناہ لاءخی ساڑی ءِ ۔ پیشن نا زرکار آک گلگت بلتستان اٹی ہائیڈل نا بشخ اٹی زرکاری آن فائدہ ہرفنگ کیرہ ۔ اوپارے کہ گلگت بلتستان اٹی ہائیڈل نا بشخ اٹی شونداری، اڑزان بجلی نا فراوانی ٹی کمکار مریک ۔ علی امین پارے کہ گلگت بلتستان اٹی سیل و سوات، معدنیات و ہائیڈل پاور نا بشخ انا شونداری ڈیہہ نا شونہالی ٹی اہم مزل نا نشان مریک ۔
