اسلام آباد ۔ 12 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ لیگی دور حکومت اٹی قطر آن ایل این جی نا درآمد اٹی ہوشربامالی بے ڈولی مون آ بننگ ءِ، 108 ارب نا بے ڈولی و صارف آتیان چار ءُ نیم ارب ودکی ہلنگ نا ورندیءِ تروئی تمک، قومی خزانہ ءِ خورک کروک آتیان پائی پائی ءِ ہلنگک ۔ پنچ شنبے نادے آ تینا ٹویٹ اٹی اوپارے کہ لیگی دور حکومت اٹی قطر آن ایل این جی نا درآمد اٹی ہوشربامالی بے ڈولی مون آ بننگ ءِ ۔ ایل این جی درآمد آ 2015-16ء نا آڈٹ رپورٹ شاہدخاقان عباسی نا دعویٰ تا نفی ءِ ۔ اوپارے کہ 108 ارب نا بے ڈولی و صارف آتیان چار ءُ نیم ارب ودکی وصولی تا ورندی ءِ تروئی تمک ۔ اینو پاکستان نا الس ءِ کبین گیس ہلوئی تمنگ ءِ تو داٹی مسکوہی دُتکی وزیراعظم نا کاریمک ءُ ۔ خصوصی کمکار پارے کہ سیاسی بیر انا شئیر خلوک آک تینے بے گناہ گوندنگوک آتا دامن داغدار ءِ ۔ قومی خزانہ ءِ خورک کروک آتیان پائی پائی ءِ ہلنگک ۔
