اسلام آباد ۔ 12 دسمبر (اے پی پی) وزیراعظم عمران خان پارینے کہ بھارتی وزیراعظم نریندر مودی نا سرکڑدہ ہی ٹی بھارت ہندو بالادستی نا ایجنڈا غا روانءِ ، ہرانا بنا مقبوضہ ٹی غیر کانودی تسلط و گھیڑ آن مس ۔ پنچ شنبے نادے آ تینا ٹویٹ اٹی وزیراعظم عمران خان پارے کہ آسام اٹی 20 لکھ مسلمان تے شہریت آن محروم کننگانے و اوفتے کن حراستی ہند جوڑ مس و داسہ شہریت نا جھیڑہ ہی ترمیمی بل ءِ منظور کننگانے ۔ اوپارے کہ داغٹ اتون اوار اوار مسلمان تتون اوار غٹ اقلیت آتے بیداد کروک آ مچی تا دوتیا اِلنگانے ۔ وزیراعظم پارے کہ دنیا دانا ادراک ءِ کے کہ نسل کشی نا کمک اٹ نازی جرمنی نا بالادستی نا یجنڈاغان ارٹ میکو جنگ عظیم بش مس، مودی نا ہندوتا بالادستی نا ایجنڈا و پاکستان ءِ دھڑکو بھلو کچ اسے آ خونریزی نا سوب مریک ۔ وزیراعظم پارے کہ دنیا پیری کروک ایٹمی گڑتی تا گڑیفوک بھرم آ تا ادراک ءِ کے نازی جرمنی آنبار مودی نا بھارت اٹی ہم خلقت ءِ اختلاف نا حق آن محروم کننگا ۔ اوپارے کہ داکان مست کہ ہرے مرے جہانی برادری ہندو بالادستی ءِ توننگ کن نیام تمے ۔
