اسلام آباد ۔ 12دسمبر(اے پی پی) گورنر پنجاب چوہدری محمد سرورءَ گشتگ کہ بلواکانومی ( زِرء ُ تیاب دپی دمگاں گوں ہمگرنچیں سُرء ُپر) ءِ دیمروئیءِ ھاترءَ میری ٹائم پڑءَ ریسرچ ءَ راگیش کنگ المی اِنت، بحرہند ءَ سی پیک پاکستان ءِ ھاترءَ سٹریٹیجک ارزشت داریت ۔ آ پنچ شمبے ءِ روچءَ پی این وار کالج ء َ پاک بحریہ ءِ چیردستیءَ سئمی میری ٹائم سکیورٹی ورکشاپ 2019ءِ گڑءَ گوں تران کنگءَ بوتگ ۔ پاک بحریہ ءِ جارچین ءِ گشگءِ ردءَ گڑی مراگشءِ حاسیں مہمان گورنر پنجاپ چوہدری محمد سرور بوتگ ۔ میری ٹائم سکیورٹی ورکشاپ ءِ گڑی مراگشءَ وائس چیف آف دی نیول سٹاف وائس ایڈمرل محمد فیاض جیلانی ہم ہوار بوتگ ۔ پی این وار کالج سربوہگءَ حاسیں مہمان ءَ شہیدآنی یاتگارءِ سرءَ حاضری داتگ ۔ مراگشءَ گورنر پنجاپ ءَ پی این وار کالج ءَ میری ٹائم سینٹر آف ایکسیلینس ءِ بُنگیج کتگ ۔ مراگشءَ گوں تران کتگء ُ گورنر پنجاپ چوہدری محمد سرور ءَ گشتگ کہ پاکستان ءِ توانائی، بیپاری ء ُ بیروزگاری ءِ جیڑہ بلواکانومی ءِ دیمروئی ءَ چہ گیشء ُ گیوار کنگ بوت کناں ۔ آئیءَ گشتگ کہ میری ٹائم سکیورٹی ءَ ہوار ملک ءَ میری ٹائم سرپدیءَ را گیش کنگءِ ھاترءَ پاک بحریہ ءِ ازمت لکھ ستاہ کرز اَنت ۔ 9روچی ورکشاپءَ پارلیمینٹیرین، بیوروکریٹ، سلاہ بندیں فوج ءِ سینئر افسر ، وانگء ُ زانگءِ زانت کار ء ُ میڈیاءِ مردم ہوار بوتگ اَنت ۔
