اسلام آباد ۔ 12دسمبر(اے پی پی) مزن وزیر عمران خانءَ گشتگ کہ بھارتی مزن وزیر نریندر مودی ءِ سروکی ءَ بھارت ہندو شدت دوستی ایجنڈاءِ رندیگری ءَ کنگ ءَ اِنت کہ ایشیءِ بندات چہ مقبوضہ کشمیر ءَ غیرقانودی قبضہ کنگءَ چہ کنگ بوتگ ۔ پنچ شمبے ءِ روچءَ وتی ٹویٹ ءَ مزن وزیر عمران خان ءَ گشتگ کہ آسام ءَ 20لکھ مسلمان شہریتءَ چہ زھبار کنگ بوتگ اَنت ء ُ نوں شہریتءِ گڑء ُ منجیں ترمیمی بل منظور کنگ بوتگ ۔ مزن وزیر ءَ گشتگ کہ دنیا اے گپءَ سرپد بہ بیت کہ نسل کشیءِ وسیلگءَ نازی جرمنیءِ زورء ُ زبردستیءَ چہ دومی مزنیں جنگ پاد اَتکگ، مودی ءِ ہندوآنی شدت دوستی ءِ ایجنڈا ء ُ پاکستان ءَ را دھمکی دیءگ حون ریزی ءِ سوب جوڑ بنت ۔ آئیءَ گشتگ کہ ایشی ء َ چہ پیسر کہ دیر بہ بیت میاں اوستمانی ہندو شدت دوستیءَ را دارگءِ ھاترءَ گامگیج چست بہ کنت ۔
