اسلام آباد۔ 11 دسمبر (اے پی پی) مزن وزیر عمران خان ءَ گوں روسی فیڈریشن ءِ وزیر برائے تجارت ءُُ صنعت ڈینس منتروف ءَ چار شمبے ءَ ادا گند ءُُ نند کت۔ اے موہ ءِ سر ءَ مزن وزیر عمران خان ءَ روس ءِ گوما پاکستان ءِ استیں یکوئی آناں گیش ودینگ ءِ جزم ءِ درشان کت۔ روسی وزیر ءَ صدر پیوٹن ءِ نیمگ ءَ چہ مبارک بات ءُُ ھاسیں کلوہ مزن وزیر ءَ را پجارینت انت ءُُ مزن وزیر ءِ شگر ءُُ منت واری گپت۔ مزن وزیر ءَ جون 2019ءِ بشکیک ءَ ایس سی او کونسل ءِ سروک دیوان ءِ موہ ءَ صدر پیوٹن ءِ گوما وتی گند ءُُ نند آنی ھوالگ دات ءُُ گوشت کہ اے موہ ءِ سر ءَ روسی صدر ءِ گوما گند ءُُ نند آنی ھوالگ ءَ دیان ءَ گوشت کہ اے موہ ءِ سر ءَ روسی صدر ءِ گوما بذانتی گپ ءُُ تران بوتگ۔ آئی ءَ امیت سہرا کت کہ صدر پیوٹن زوت پاکستان ءِ تر ءُُ تاب ءَ کنت۔ پاکستان ءُُ روس ءِ وت مہ وتی یکوئی ءَ جوانیں مٹ ءُُ بدلی آنی ھوالگ ءَ دیان ءَ مزن وزیر عمران خان ءَ امیت سہرا کت کہ دوئیں ملک آنی ھاٹیگ، ٹیل ءُُ گیس، اشکرے چات آنی پٹ ءُُ پول، میٹالرچ، ریلویز، بالی پڑ، آئی ٹی، کشت ءُُ کشاری ءُُ وانگ ءُُ زانگ ءِ شوبگ ءَ کمک آناں گیش ودیناں۔ مزن وزیر عمران خان ءَ گوشت کہ آ آیوکیں سال 2020ءِ ساھت ءَ وتی روس ءِ تر ءُُ تاب ءِ واھشت ایگ انت۔
