اسلام آباد۔ 11 دسمبر (اے پی پی) صدر مملکت ڈاکٹر عارف علوی ءَ گوں سری لنکا ءِ واستہ نامیتگیں پاکستان ءِ ہائی کمشنر میجر جنرل (ر) محمد سعد خٹک ءَ گند ءُُ نند کت۔ چار شمبے ءِ روچ ءَ ایوان ءِ صدر ءَ چہ جاڑی بوتگیں بیان ءِ ساھت ءَ صدر ءِ مملکت ءَ گوشت کہ پاکستان ءِ الس وتی کشمیری برات آنی گوما ھمگام ءَ اوشتاتگ اَنت ءُُ فاشٹ بھارتی حکومت ءِ نیمگ ءَ چہ گور ءُُ درئی نیک راھی منوک آنی گوما ناروائیں سلوک ءَ را گوں ترندی ءَ مذمت کنت انت، بھارتی حکومت ءَ شہریت ءِ جیڈھ ءِ بل 2019لوک سبھا ءَ گوستگیں روچ ءَ پاس کنائینتگ ایشی ءَ درئی نیک راھی منوک آنی گوما ناروائیں سلوک کنگ ءِ آدینک ءَ پیش دار ایت۔ آئی ءَ نامینتگیں ہائی کمشنر ءِ سری لنکا ءَ پوسٹنگ ءِ ھوالگ ءَ نیکیں واھگ ءُُ واھشت آنی درشان کنان ءَ امیت سہرا کت کہ آئی ءِ پوسٹنگ ءِ ساھت ءَ دوئیں ملک آنی نیام ءَ وت مہ وتی رابطہ آناں گیش دیمروئی دیگ ءَ کمک رسیت۔
