اسلام آباد۔ 16 فروری (اے پی پی) محکمہ موسمیات (اینو) جمعہ نا شام آن یک شنبے نا دوران خیبر پختونخوا و فاٹا ٹی گیشتر ہند آتیا پر وخت اس کہ ہفتہ و یک شنبے نا وخت مالاکنڈ ، ہزارہ ڈویژن اٹی شنز ہ ہی ئُ پر و مش تیا برف باری نا پیشن گوئی کرینے۔ رپورٹ نا رداٹ جمعہ آن یک شنبے نا وخت کشمیر و گلگت بلتستان اٹی گیشتر ہند آتیا پر و مش تیا برف باری وخت اس کہ گڑاس ہند آتیا شنزہ ہی پر تا گمان ئِ۔ ہندا وڑہفتہ و یک شنبے نا دے اسلام آباد، بڑزکو پنجاب اٹی جاگہ جاگہ پر و داوخت مری و گلیات نا مش تیا برف باری وخت اس کہ جمعہ و ہفتہ نا دے قطبی بلوچستان اٹی گڑاس ہند ااتیا پر و مش تیا بر ف باری نا ہم گمان ارے۔ داوخت اٹی وقفہ وقفہ آن پر انا سوب خیبر پختونخوا، گلگت بلتستان و کشمیر نا مشی آ علاقہ غاتیٹی لینڈ سلائیڈنگ نا خلیس۔ محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم یخ و خشک سلک۔ ولے مالاکنڈ، ہزارہ ، کوئٹہ، قلات ڈویژن ، فاٹا، گلگت بلتستان ، کشمیر و ایب و کیب مشی علاقہ غاتیٹی گڑاس ہند آتیا پر و مش تیا برف باری نا گمان ئِ وخت اس کہ گدرینگوک آ 24گھنٹہ ٹی ملک انا گیشترعلاقہ غاتیٹی موسم یخ و خشک سلیس۔ ولے مالاکنڈ ڈویژن و گلگت بلتستان اٹی گڑاس ہند آتیا پر و مش تیا برف باری مس۔ غٹ آن زیات پر کالام اٹی 06ملی میٹر، پٹن 05، میر کھانی 04، دیر02، چترال، دروشایک، گوپس 03 و بگروٹ اٹی اسہ ملی میٹر پر وخت اس کہ استور اٹی 4انچ، سکردو3، بنڈوگول 03، و گولین اٹی 02انچ برف باری ریکارڈ کننگانے۔ پنچ شنبے آ سکردو ٹی درجہ حرارت منفی 06ڈگری سینٹی گریڈ ، پاراچنار منفی 05، گوپس، مالم جبہ، استور منفی 03، قلات منفی 02، کالام و بگروٹ اٹی منفی اسٹ ڈگری سینٹی گریڈ ریکارڈ کننگا۔
