اسلام آباد۔ 11 دسمبر (اے پی پی) مزن وزیر عمران خان ءَ گوں روس ءِ وزیر صنعت ءُُ تجارت ڈینس وی مانتروف ءَ ڈل ءِ ھمبراھی ءَ ادا اسلام آباد ءَ گند ءُُ نند کت۔ مزن وزیر کارگس ءِ نیمگ ءَ جاڑی بوتگیں بیان ءِ رد ءَ گند ءُُ نند ءِ ساھت ءَ بنجاھی وزیر وزیر اقتصادی کار حماد اظہر، وزیر منصوبگ بندی اسد عمر، مزن وزیر ءِ مشیر عبدالرزاق داؤد، مزن وزیر ءِ مشیر برائے ھزانگ عبدالحفیظ شیخ، چیئرمین سرمایہ کاری بورڈ سید زبیر حیدر گیلانی ھم اے موہ ءِ سر ءَ ساڑی ات۔
