اسلام آباد۔ 11 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ بھارت انسانی حق انا جہانی دے انا وخت آ جھیڑہ ہی ءُ شہریت بل اس اتسا انسانی حق انا پاش آن پاش کانود آتے لتاڑکننگ ءِ۔ دا گام بھارت اٹی رہینگوک اقلیت آتا حق آ فاشٹ مودی نا کاری ءُ دک اس و مسلم دشمنی نا شاہدی اسے۔ چارشنبے نادے آ ڈاکٹر فردوس عاشق اعوان تینا ٹویٹ اٹی پارے کہ مودی سرکار نا کنڈآن بھارت ءِ انتہا پسند ہندوریاست اسے ٹی بدل کننگ نا عمل گاندھی نا نظریہ ءِ کھڈ و قائد اعظم نا دوقومی نظریہ نا راستکی تے پک کیک۔ شہریت نا جھیڑہ ہی بل اس اتسا نام نہاد جمہوریت و سیکولرازم نا بھارتی دعویٰ تے دروغ ثابت کرینے، دا کانود اس جوڑ کننگ آخا بلکن انتہاپسند ہندوتوا سوچ مچ آ ڈیہہ آ مسلط کننگ نا پراگندہ چم و ہمسایہ ملک آتا تہہ نا باندات آتے ٹی نیام تمنگ ءِ۔ اوپارے کہ دنیا کشمیر اٹی انسانی حق انا بدترین لتاڑ و بھارتی متنازع کانود سازی نا برخلاف توار بڑز کے۔
