اسلام آباد۔ 16 فروری (اے پی پی) وزارت ڈٹ بندی و شونداری واپڈا پاور سیکٹر نا شونداری کاریم تے کن جم وڑاٹ داوخت اسکان 94ارب 70 کروڑ روپئی آن زیات نا فنڈ جاری کرینے۔ حکومت سرکاری بشخ انا شونداری پروگرام تیٹی داسیکٹر نا شونداری کاریم تے کن اسہ کھرب 30 ارب روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ 132 کے وی گریڈ اسٹیشن و ٹرانسمیشن لین کوئٹہ کن 7 کروڑ 84لکھ، 132 کے وی سب سٹیشن کن 6کروڑ، 1200 میگاواٹ ایل این جی پاور پلانٹ بلوکی کن 30 ارب، 1200 میگاواٹ ایل این جی پاور پلانٹ حویلی بہادر شاہ کن 30 ارب روپئی، بلوچستان اٹی 100 چنکا ڈیم تا جوڑ جاڑ کن 40 کروڑ، گوادر اٹی بسول ڈیم نا جوڑ جاڑ کن 28 کروڑ، سندھ اٹی دراوٹ ڈیم اکن اسہ ارب، گبھیر ڈیم چکوال کن 20 کروڑ، کچھی کینال پروجیکٹ کن اسہ ارب، پنجاب اٹی آبی گزرگاہ تے کن 50 کروڑ و سندھ اٹی پوسکن آ گاج ڈیم تے کن اسہ ارب 20 کروڑ روپئی تون اوار کیہی شونداری ڈٹ آتے کن فنڈ جاری کرینے۔
