ریاض۔ 11دسمبر (اے پی پی) وزیر خارجہ مخدوم شاہ محمود قریشی چارشنبے نادے آ اسہ دے ئی سرکاری دورہ غا سعودی عرب آ سرمسنے۔ کنگ خالد انٹرنیشنل ایئر پورٹ ریاض آ سرمننگ آ سعودی عرب اٹی پاکستان نا سفیر راجہ علی اعجاز، سعودی وزارت خارجہ نا ڈی جی پروٹوکول عبداللہ ایم راشد و پاکستانی سفارت خانہ نا بڑزکو کمامدار آک وزیر خارجہ ءِ بخیر کریر۔ وزیر خارجہ تینا دا گونڈ آ دورہ ٹی تینا سعودی ہم منصب تون اوار، بڑزکو سعودی سرکڑدہ غاتون اوڑدہی کیک۔ اوڑدہی ٹی، ہڑتوم آ کنڈآتا تعلقداری، مقبوضہ کشمیر و ڈیہہ ٹی امن و ایمنی نا حالیت آتون اوار تین پہ تینی است خواہی نا باندات آتیا گپ و تران کننگک۔ وزیر خارجہ نا دورہ سعودی عرب نا مسخت ہڑتوم آ کنڈآتا تعلقداری و کثیر الجہتی بشخ آتے ٹی ہڑتوم آ کنڈآتا کمکاری ءِ مون آ دننگ ناءِ۔
