اسلام آباد۔ 10 دسمبر (اے پی پی) بنجاھی کابینہ ءَ لوک سبھا ءَ منظور کتگیں شہریت بل ءَ را ترندی ءَ گوں ایراد گپتگ ءُُ گوشتگ کہ بھارت ءِ اے رنگیں گامگیج آئی ءِ راستیں لکا ءَ را سہرا کن اَنت، کابینہ ءَ مریم نواز ءِ نام ای سی ایل ءَ چہ در کنگ ءِ جیڈھ کابینہ ءِ جھلی کمیٹی ءَ را روان داتگ، حکومت سب کمیٹی ءِ سپارش ءُُ مھکمیں سبب آنی رد ءَ پیسلہ کنت انت، مزن وزیر ءَ سزا بوتگیں ءُُ باگی ایں مردم آنی میڈیا ءِ سر ءَ بیان دیگ ءِ رد ءَ پیمرا ءَ ھوار توامیں اسٹیک ہولڈر آں گوں شور ءُُ مشور ءِ گوما آیوکیں گامگیج جوڑ کنگ ءِ واستی وزیر ء، کانود ءُُ انصاف ءَ را ھاسیں پنت ءُُ شون دات، کابینہ ءَ سکوک بانڈز ءُُ اسلام آباد لوکل گورنمنٹ ایکٹ آنی گہتری ءِ رد ءَ دوئیں سمری واپس زور انت، حکومت ءَ پیسر ءَ 15ماھ ءَ سوئی گیس، توان، کشت ءُُ کشاری، فرٹیلائزر ءِ شوبگ ءَ 401ارب ءِ سبسڈی داتگ۔ مزن وزیر عمران خان ءَ بنجاھی دارالحکومت ءِ توامیں ہسپتال آناں سٹیٹ آف دی آرٹ ادارگ آنی تہ ءَ مٹ کنگ ءِ پنت ءُُ شون دات۔ سئے شمبے ءَ اھوالکاری ءُُ شنگ کاری ءِ ھاسیں کمکار ڈاکٹر فردوس عاشق اعوان ءَ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ گوشت کہ کابینہ ءَ بھارتی لوک سبھا ءِ نیمگ ءَ شہریت ءِ ھوالگ ءَ کانود ءِ جوڑ کنگ ءَ را گوں ترندی ءَ ایراد گپت ءُُ گوشت یکہ اے رنگیں کانود ءِ جوڑیشت ءَ چہ بھارت سرکار ءِ دروگیں لبرازم سہرا بوتگ ءُُ ایش آر ایس ایس لیکہ ءِ سہرائی ءُُ درور انت۔ کابینہ نے 1971 ءِ جنگ ءِ ہیروکرنل سلیمان شہید ءِ آکبت پہ ھیری ءِ واستہ پاتیہ وانی کت۔ کابینہ ءِ میڈیا ءِ بازیں بھر آنی نیمگ ءَ باگی بوتگیں مردم ءُُ سزا بوتگیں مردم آنی بیان آناں چلائینگ ءِ پد ءَ نہ وشی ءِ درشان ءَ کان ءَ گوشت کہ نیک راھ چاگرد آنی تہ ءَ اچ جاھ ءَ اے رنگیں دُز ءُُ ڈنگ کہ راجی ھزانگ ءَ چہ اربانی کلدار ءِ دُزئی کنوک آنیاں میڈیا ءِ کارمردی کنگ ءِ موہ ءَ نہ دنت۔ اسلام آباد کیپٹل ٹیریٹری لوکل گورنمنٹ ایکٹ ءِ چیر دستی ءَ گورنمنٹ کمیشن ءِ برجائی سمری واپس زورگ بوت۔ کابینہ ءَ بلوچستان ہائی کورٹ ءِ جج جسٹس عبداللہ بلوچ ءَ را جج سپیشل اپیلٹ کورٹ بلوچستان پوسٹ کنگ ءِ منظوری دات۔ اے پوسٹنگ سمگلنگ ءِ گر ءُُ دار ءِ کانود 1977 ءِ بھر (1) 46 ءِ چیر دستی ءَ بلوچستان ہوئی کورٹ ءِ سپارش ءِ سر ءَ کنگ بوت۔ کابینہ ءَ بنجاھی دارالحکومت ءِ ہسپتال آنی تہ سروس ڈلیوری ءُُ مریض آناں گہتریں آسراتی پجارینگ ءَ را دل یکیمی جوڑ کنگ ءِ واستہ ہسپتال آناں موہ داتگ کہ مرمت ءُُ مینٹیننس ءِ ھوالگ ءَ کار آنی رد ءَ ہسپتال وتی تکنیکی ضلورت آنی رد ءَ اے کار ءَ را کجام ھم ادارگ ءَ چہ کنائینت کت کناں ءُُ اے رد ءَ پی ڈبلیو ڈی ءَ چہ اے کار ءَ را کنگ ءِ شرط المی نہ بیت۔ کابینہ ءَ اوورسیز پاکستانیز فاؤنڈیشن ءِ بورڈ آف گورنرز ءِ تہ ءَ عرفان مصطفی، ذوالقرنین علی خان ءُُ حارث چوہدری ءِ پوسٹنگ ءِ منظوری دات۔ کا بینہ ءَ ورکرز ویلفیئر فنڈ ءِ گورننگ بورڈ ءِ نوک سر جوڑیشت ءِ منظوری دات۔ یک جستے ءِ پسو ءَ آئی ءَ گوشت کہ مریم نواز ءِ نام ای سی ایل ءَ چہ در کنگ ءِ جیڈھ کابینہ ءَ باست ءُُ واست کنگ بوت، دزبندی کابینہ ءِ جھلی کمیٹی ءَ را ریفر کنگ بوتگ، سب کمیٹی جیڈھ آنی سر ءَ چار ءُُ بچار کنت ءُُ وتی سپارش آناں پیش کنت۔ وزیر ءِ کانود ءُُ انصاف ءَ بنجاھی کابینہ ءَ را گوشت کہ دگنیا ءِ کجام ھم ملک ءِ تہ ءَ اے رنگیں کانود نیست کہ سزا بوتگیں کیزی، وتی زھگ ءِ نام ءَ وتی ھال پرسی کنگ ءِ واستہ ای سی ایل ءَ چہ در کنگ ءِ موہ ءَ بہ دنت، مریم نواز ءِ نام ءِ در کنگ ءِ واستہ مھکمیں سبب دیگ لوٹ ایت۔
