اسلام آباد۔ 10 دسمبر (اے پی پی) صدر مملکت ڈاکٹر عارف علوی ءَ گوشت کہ پاکستان مھکمیں دیمروئی ءِ سیم سر آنی سر بوھگ ءَ جزمیگ انت، نوکیں زمانگ ءَ گوں ھمگام بوھگ ءِ واستہ راستیں کشک ءِ گچین کنگ المی انت، مارا استیں آسراتی آنی کارمرد کنگ ءِ منصوبگ بندی کنگ لوٹ ایت۔ آئی ءَ اے ھیالانی درشانی سئے شمبے ءَ کامسیٹس ءِ سلور جوبلی مراگش ءَ گشتانک دیان ءَ کت۔ صدر ءِ مملکت ءَ گوشت کہ پاکستان مھکمیں دیمروئی سیم سر آں ی سر بوھگ ءَ جزمیگ انت، مارا استیں آسراتی آناں جوانیں رنگ ءَ کارمرد کنگ ءِ واستہ منصوبگ بندی کنگ لوٹ ایت۔ آئی ءَ گوشت کہ زانشتی ادارگ آناں اے وڑ لائک کنگی انت کہ پی ایچ ڈی سکالر وت پیداک کت بکن اَنت۔ نوکیں زمانگ ءَ گوں مارا ھمگام بوھگ ءِ واستہ راستیں کشک ءِ گیچن کنگ المی انت۔ صدر ءِ مملکت ءَ گوشت کہ آسراتی آناں انچو پہ دیم کارمردی ءَ چہ ایٹماسپیئر آماچ بوھگ ءَ انت، سیمی دگنیا آپ ءُُ وردن ءُُ وراک ءِ جیڈھ آں گوں دیم پہ دیم انت۔ آئی ءَ گوشت کہ دگنیا ءَ ھما راج راجی دیمروئی کت کنت ھما آیوکیں باندات ءِ سر ءَ جھلانکیں نگاہ دار ایت۔
