اسلام آباد۔10دسمبر(اے پی پی) سینیٹءِ چیئرمین محمد صادق سنجرانی ءَ گشتگ کہ پاکستان گوں بیلجیئم ءَ وتی دونیمگی ء ُ یورپین سیادیءَ را باز ارزشت دنت، دوئیں ملک آنی نیامءَ حاسیں میاں اوستمانی یک رنگی گندگ بیت۔ اے ھیالانی درشانی آئیءَ سے شمبے ءِ روچءَ بیلجیئم ءِ پاکستانءَ تعینات بوہوکیں سفیر فلپ برونچین ءَ گوں گندء ُنندکنانءَ کتگ۔ سینیٹءِ چیئرمین ءَ گشتگ دوئیں ملک آناں بیپاری، معاشی ء ُ سیئل ء ُ سوادءِ پڑاں کمک ءَ را گیش کنگ لوٹ ایت۔ بیلجیئم ءَ کار کنوکیں پاکستانی یک مزنیں کساسے دوئیں ملک آنی سیادی ءَ را گیش مھکم کنگءَ وتی کردءَ پیلو کُت کنت۔ سینیٹءِ چیئرمین محمد صادق سنجرانی ءَ گشتگ کہ مزن گسی سیادیءَ را گیش کنگءَ چہ دگہ پڑآنی تہءَ کمک ءَ را گیش مھکم کنگ بوت کنت۔ بیلجیئم ءِ زرکار پاکستانءَ توانائی ء ُ سیئلء ُ سوادءِ پڑآں زرکاریءِ پڑاں چہ پائدگ چست بہ کن اَنت۔
