کوزہ گیر بھارتی حکومت غٹ انسانی و جہانی کانود آتیان چپ مقبوضہ کشمیر اٹی ورنا، چناو زالبول آتا کشت و خون ءِ بند کے،حق خودارادیت کن عمل نا پڑاٹ سلوک نرزورکشمیری تے سلام پیش کینہ، جہانی کانود نا پاسدار و سلامتی کونسل مقبوضہ کشمیر آ بھارتی حکومت نا ناروا کوزہ نا برخلاف گام گیج کیر، وزیراعظم عمران خان نا ٹویٹ
اسلام آباد۔ 10 دسمبر (اے پی پی) وزیراعظم عمران خان پارینے کہ کوزہ گیر بھارتی حکومت غٹ انسانی و جہانی کانود آتیان چپ مقبوضہ دامان اٹی کشمیری ورنا، چناو زالبول آتا کشت و خون ءِ بند کے، نن حق خودارادیت کن عمل نا پڑاٹ سلوک نرزورکشمیری تے سلام پیش کینہ و پورو ثابت قدمی اتون اوفتے تون سلوک اُن، نن جہانی ضمیر، جہانی کانود نا پاسدار و سلامتی کونسل آن بایدے خواست کین کہ او مقبوضہ کشمیر آ بھارتی حکومت نا ناروا کوزہ نا برخلاف گام گیج کیر۔ اوداخیال آتا درشانی ءِ سے شنبے نادے آ راجی رابطہ نا ویب سائٹ آ ٹویٹ اٹی کرے۔ وزیراعظم پارے کہ ساڑی حکومت رسول کریم ﷺ نا روشنا رمائشت آک خاص وڑاٹ خطبہ حجتہ الوداع نارداٹ و دستور پاکستان نا رداٹ بے پرخ تینا غٹ شاری تا حق انا رکھ اکن پرعزم ءِ۔ اوپارے کہ انسانی حق انا جہانی دے انا وخت آ اہل اسلام ءِ بریبری، عدل و انصاف و انسانی حق آتا رکھ انا ہمو کلہو ءِ یات تخنگے ہرادے ننا خواجہ مہربان ﷺ 14سد سال مست تسوسس۔ دا کلہو انسانی حق و بندغی شرف انا شرفمندی کون آ زیباغا سفت آتا تالان ءِ ِ۔ وزیراعظم پارے کہ ننا خواست ءِ کہ کوزہ گیر بھارتی حکومت غٹ انسانی و جہانی کانود آتیان چپ مقبوضہ دامان اٹی کشمیری ورنا، چناو زالبول آتا کشت وخون ءِ بند کے، نن تینا حق خودارادیت کن عمل نا پڑاٹ سلوک نرزور کشمیری تے سلام پیش کینہ و پورو ثابت قدمی اتون اوفتے تون سلوک اُن۔
