وزیراعظم نا پاکستان نا اولیکو خصوصی ٹیکنالوجی زون و پارک انا بناپوسکن آ پاکستان اٹی ٹیکنالوجی نا بشخ ءِ تروک آ خصوصی اہمیت نا درشانی ءِ
اسلام آباد۔ 10 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان نا نسٹ اٹی پاکستان نا اولیکو خصوصی ٹیکنالوجی زون و پارک انا بنا پوسکن آ پاکستان اٹی ٹیکنالوجی نا بشخ ءِ تروک آ خصوصی اہمیت نا درشانیءِ، دا علمی آ زرگزران نا مون آ دننگ نا کنڈا اہم ءُ گام اس مریک۔ سے شنبے نادے آ وزیر اعظم نا خصوصی کمکار ڈاکٹر فردوس عاشق اعوان تینا ٹویٹ اٹی پارے کہ دا پٹ وپولی بندغ آتے اواری اٹ تولنگ نا پلیٹ فارم اس مہیا کیک و ٹیکنالوجی آ تالان زرگزران نا شونداری کن عملی گام گیج ہرفنگ نا وارخواہی ودی کیک۔ اوپارے کہ وزیراعظم عمران خان ملک انا ایلو درسگاہ تیٹی ہم ٹیکنالوجی پارک جوڑ کننگ کن پرعزم ءِ، پوسکن آ دور اٹی ٹیکنالوجی نا اہمیت آن نمن مننگ کپک، انسانی زند انا اسہ بشخ اس ہم بیدس ٹیکنالوجی آن پورو مفک۔ اوپارے کہ نسٹ انا دا ڈٹ وڈول ایکیڈیمیا و صنعت نا نیام اٹ پول انا کڑد اس ادا کیک و داڑان ڈیجیٹل اکانومی ءِ سوگوی و پٹ وپول و شونداری ءِ مون آ دننگ دوئی مریک۔
