اسلام آباد۔ 10 دسمبر (اے پی پی) چیئرمین سینیٹ محمد صادق سنجرانی مسکوہی سینیٹر مولانا تنویر الحق تھانوی نا اُرائی نا کزیت آ ڈکھ و است ہسونی نا درشانی ءِ کرینے۔ سے شنبے نادے آ چیئرمین سینیٹ محمد صادق سنجرانی خاہوت تون ہڑزخواہی کرسا اللہ تعالیٰ آن دعا کرے کہ ایماندار ءِ جنت الفردوس اٹی جاگہ ایتے و غمزدہ خاہوت ءِ دا صدمہ ءِ برداشت کننگ نا توفیق ایتے۔ ڈپٹی چیئرمین سینیٹ سینیٹر سلیم مانڈوی والا، قائد ایوان سینیٹ سینیٹر شبلی فراز، قائد حزب اختلاف سینیٹ سینیٹر راجہ محمد ظفر الحق ئسک ہم مسکوہی سینیٹر تنویر الحق تھانوی نا اُرائی نا کزیت آ ڈکھ و است ہسونی نا درشانیءِ کرسا غمزدہ خاہوت تون ہڑزخواہی کریر۔ اوفک اللہ تعالیٰ آن ایماندار نا درجہ غاتا بڑزی کن ہم دعا کریر۔
