حریت راہشون و بار ایسوسی ایشن نا راہشون تتون اوار ہزار آ بندغ آتا مون انگا کانود’پی ایس اے‘ نا رداٹ نظر بند
سرینگر۔ 10 دسمبر (اے پی پی) مقبوضہ کشمیر اٹی بھارتی فوجیک جنوری 1989آن داوخت اسکان تینا ریاستی دہشت گردی نا برجاکارروائی تے ٹی 95 ہزار 471 بے گناہ کشمیری تے تینا پیدائشی حق، حق خودارادیت خواہنگ نا پاداش اٹ شہید کرینو ہرافتیان 7 ہزار 135 ءِ حراست اٹی شہید کننگا۔ کشمیر میڈیا سروس نا ریسرچ سیکشن نا کنڈآن انسانی حق انا جہانی دے انا وخت آ سے شنبے نادے آ جاری کروک آ اسہ رپورٹ اسے نا رداٹ خون نا داواقعہ غاتیان 22ہزار 910 زالبول جنوزان و اسہ لکھ 7 ہزار 780 چناچوری مسر۔ رپورٹ نا رداٹ داوخت اٹی فوجیک 11ہزار 175زالبول نا بے حرمتی ءِ کریر وخت اس کہ اسہ لکھ 9 ہزار451 ہند و ایلو ملکیت آتے بھس کریر۔ رپورٹ نا رداٹ داوخت انا بھارتی پولیس و فوجیک کم آن کم 8 ہزار کشمیری تے حراست اٹی بے گواہ کریر۔ حریت راہشون محمد یاسین ملک، شبیر احمد شاہ، نعیم احمدخان، سیدہ آسیہ اندرانی، فہمیدہ صوفی، ناہیدہ نسرین، الطاف احمد شاہ، ایاز محمد اکبر، پیر سیف اللہ، راجہ معراج الدین کلوال، شاہد الاسلام، فاروق احمد ڈار، محمد اسلم وانی، پوریا گر ظہور وٹالی، سید شاہد یوسف شاہ، سید شکیل یوسف شاہ و غلام محمد بٹ پدریسہ نئی دہلی نا تہاڑ جیل اٹی نظر بند ءُ وخت اس کہ حریت راہشون مسرت عالم بٹ، بار ایسوسی ایشن نا صدر میاں عبدالقیوم، جنرل سیکرٹری محمد اشرف بٹ، امیر جماعت اسلامی ڈاکٹر عبدالحمید فیاض، ایڈووکیٹ زاہد علی، راہشون جمعیت اہلحدیث مولانا مشتاق ویری، بار انا باسک ایڈووکیٹ نذیر احمد رونگا، ایڈووکیٹ ہلال اکبر لون، مولانا برکاتی، محمد یوسف میر، محمد یوسف فلاحی، گلزار احمد گلزار، حکیم شوکت، معراج نندہ، ظہور احمد، شکیل احمد بخشی، بشیر کشمیری، نور محمد کلوال، مشتاق اجمل ڈار، بشیر بویا، محمد امین منگلو، عبدالرشید منگلو، عبدالغنی بٹ، محمد رفیق گنائی، ظہور احمد بٹ، جاوید احمد بٹ، محمد اسحاق گنائی، نزیر احمد شیخ، غلام محی الدین پیر، اسد اللہ پرے، عبدالاحد پرے، فیروز احمد خان، قاضی یاسر احمد، جموں و کشمیر اکنامک الائنس نا چیئرمین محمد یاسین خان، صحافی آصف سلطان، قاضی شبلی، عمر فاروق بٹ، لطیف احمد کالو، ظفر الاسلام شاہ، عمرفاروق ڈار، سفیر احمد بٹ و عبدالغنی ہارون مون انگا کانود پبلک سیفٹی ایکٹ نا رداٹ بھارت و مقبوضہ کشمیر نا چندی جیل تیٹی نظر بند ءُ۔ مسکوہی کٹھ پتلی وزراء اعلیٰ عمر عبداللہ، فاروق عبداللہ، محبوبہ مفتی، انجینئر رشید احمد و سد آ ایلو پارٹی راہشون و کارندہ غاک ہم چاراگست آن پد آن پدریسہ غیر کانودی وڑاٹ نظر بند ءُ۔ رپورٹ اٹی پاننگانے کہ کوزہ گیر انتظامیہ کل جماعتی حریت کانفرنس نا چیئرمین سید علی گیلانی و میر واعظ عمر فاروق ءِ ہم پدریسہ اُراٹی نظر بند کرینو و اودے سیاسی سرجز، السی مچی آن تران، و جمعہ نا نماز ءِ خواننگ نا ہم موکل اف۔ داکان بیدس حریت راہشونک سرینگر اٹی جاری تینا جتا جتا بیان آتے ٹی اقوام متحدہ و انسانی حق انا جہانی ادارہ غاتیان خواست کرینو کہ او مقبوضہ علاقہ نا ابتر حالیت آتا جاچ ءِ ہلنگ کن تینا ٹیم تے مقبوضہ علاقہ غا گدریفر و کشمیرنا جھیڑہ ءِ ایسر کننگ کن بھارت آ زور شاغر۔
