اسلام آباد۔09دسمبر(اے پی پی) ریلوے ءِ بنجاہی وزیر شیخ رشید احمد 13دسمبرءَ راولپنڈی ءَ چہ لاہورءِ کشک ءَ سرگودھا ریلوے ٹریکءِ تپاسی ءَ کنت، ہمگرنچیں ریلوے ڈویژن آنی افسر ء ُ تکنیکی سٹاف چارء ُتپاسی ءِ وہدءَ فیلڈ ءَ بنت۔ ریلوے ءِ بنجاہی وزیر شیخ رشید احمد ءَ ”اے پی پی“ ءَ گوں گپء ُتران کتگء ُ گشتگ کہ 13دسمبرءَ روالپنڈی ءَ چہ گوجرخان،جہلم،لالہ موسی،منڈی بہاؤ الدین،ملک وال،سرگودھا، چنیوٹ،سانگلہ ہل ء ُ شیخو پورہ ءِ کشک ءَ تاں لاہورءَ ٹریک ءِ چارء ُتپاسی ءَ کناں۔ ریلوے ءِ بنجاہی وزیر شیخ رشید احمد ایشی ءَ چہ پیسر لاہورءِ کشکءَ چہ سکھر، حیدر آباد، نواب شاہ، روہڑی، ملتان، ملتان ءَ چہ فیصل آباد، راولپنڈی ءَ چہ تراکئی، نوشہرہ، اٹک، راولپنڈی ءَ چہ میانوالی، جھنڈ، بسیال، فتح جنگ ٹریک آنی چارء ُ تپاسی یے کتگ۔ ریلوے ٹریک ءِ چارء ُتپاسی ءِ موہءَ ڈویژنل سپرنٹنڈنٹس، ڈویژنل افسر ہمگرنچیں عملہ ءِ ہمرائیءَ فیلڈءَ بنت۔
