اسلام آباد۔09دسمبر(اے پی پی) انٹرنیشنل کمپنی آف دی ریڈ کراس (آئی سی آرس) ءِ چیردستی ءَ پاکستان آرٹ کونسل اسلام آبادءَ ہفت روچی عکسانی نماش جاری بوتگ۔ نماش ءِ مولء ُ مراد آئی سی آرسی ءَ را پاکستان جوڑ بوہگءَ تاں انوں انسانی رکینگءِ سُر ء ُ پرآن چہ مردماناں سرپد کنگ اِنت۔ ملکی وزیر زرتاج گلءَ ہفت روچی نماش ءِ بُنگیج کتگ۔ آئی سی آرسی ءِ چیردستی ءَ عکسانی نمائش ءَ انسانی رکھینگ ءِ ھاترءَ کتگیں اے گامگیجاناں پیش دارگ بیت، کہ ریڈ کراس ءَ پاکستان جوڑ بوہگء ِ وہدءَ لڑء ُ بار کنگءِ وہد، قدرتی آفات، زمین چنڈء ُ سیلاب ءِ موہءَ وتی ڈیوٹی کتگ۔ اے موہءَ میڈیاءَ گوں گپء ُتران کتگء ُ ملکی وزیر زرتاج گلءَ گشتگ کہ آئی سی آرسی ءِ پاکستان ءِ اُلسءَ گوں مہرء ُ واہگ باز اِنت۔ آئی سی آرسی پاکستان ءِ سروک ڈراگانا کویئچ ءَ گشتگ کہ اے ادارگ سرجمیں دنیاءَ کار کنگءَ اِنت کہ ایشیءِ مول ء ُ مراد انسانیتءِ ازمت ء ُ مدد کنگ اِنت۔ ”ہیومنٹی کلکس“ ءِ سرحال چہ بوتگیں اے عکسانی نمائش ءَ پاکستان ءَ انسانی رکینگءِ ہوالگءَ ریڈ کراس ءِ ازمت ء ُ سُرء ُپراں پدّر کنگ بوتگ۔
