چین نا کمک اٹ تیار کروک سروے شپ بحر مساح نا پاک بحریہ ٹی اوار مننگ آ خصوصی وڈیو جاری

اسلام آباد ۔ 08 نومبر (اے پی پی) چین نا کمک اٹ تیار کروک سروے شپ بحر مساح نا پاک بحریہ ٹی اوار مننگ آ خصوصی ویڈیو اس جاری کننگا، پرومو ٹی بحر مساح نا سمندری بشخ اکن اہمیت ءِ تالان کننگانے ۔ ترجمان پاک بحریہ نا رداٹ پاک بحریہ نا بیڑہ ٹی دا جہاز انا اوار مننگ سمندری علوم کن بے کچ اہم ءُ مزل نا نشان اسے، بحر مساح نا دوئی کننگ پاکستان کن سمندری پٹ وپول، معدنیات نا خننگ و رکھوک جہاز رانی نا کنڈا اہم ءُ گام اسے ۔ جہاز اٹی پوسکن آ لیبارٹریز ، نقشہ سازی و زیر آب پٹ وپول نا حساس ازباب آک ساڑی ءُ دا جہاز آن پاکستان میری ٹائم نا ایلو ادارہ غاک ہم فائدہ ہرفر ۔ بحر مساح پاکستان و چین نا دوستانہ تعلقداری تا عکاس ءِ ۔