درئی کارانی وزیر اسحاق ڈار ءَ برطانیہ ءِ ہائی کمشنر جین میریٹ ءَ گوں گند ءُ نند کتگ، پاکستان ءُ برطانیہ ءِ سیادی ءِ بابت ءَ گپ ءُ تران

اسلام آباد۔3اکتوبر  (اے پی پی): نائب مزن وزیر ءُ دری کارانی وزیر سینیٹر اسحاق ڈار ءَ خطہ ءَ کش ءُ چیل ءِ کم کنگ ءِ واستہ کوشست آنی ارزشت ءِ سر ءَ زور پر دات ءُ گوشت کہ گپ ءُ تران ءُ سفارتکاری دیم ءَ روگ ءِ یکیں زندگ داروکیں راہ اِنت۔ شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ آئی ءَ اے گپ برطانیہ ءِ ہائی کمشنر جین میریٹ ءَ گوں گپ ءُ تران کنان ءَ کت آئی ءَ دری کارانی کارگس ءَ آئی ءَ گوں گند ءُ نند کتگ۔ گند ءُ نند ءَ پاکستان ءُ برطانیہ ءِ سیادیانی بابت ءَ گپ ءُ تران بوتگ۔ دوئیں نیمگ ءَ دو نیمگی سیادی آنی تہ ءَ جوانیں مومنٹم ءَ را وش آتک کت ءُ اے کمک ءَ را دیم ءَ برگ ءِ واستہ گامگیج آنی سر ءَ ھیال ریچی کت۔ ایشانی تہا دمگی جاورانی بدل بوؤگ ءَ ہم گپ ءُ تران کنگ بوت۔ نائب مزن وزیر ءُ وزیر ءِ درئی کار ءَ کشیدگی ءَ را کم کنگ ءِ واستہ کوشست آنی ارزشت ءِ سر ءَ زور پر دات ءُ گوشت کہ گپ ءُ تران ءُ سفارتکاری دیم ءَ روگ ءِ یکیں پائیداریں راہ اِنت۔